Mantra Panulak
Mantra panulak atawa disambat jua mantra tatulak, gunanya gasan manulak atawa mahindarakan diri matan bahaya atawa panyakit nang pacang manyarang, salain itu dipakai jua gasan manulak binatang buas lawan gangguan urang gaib.
Di bawah ini daptar mantra panulak Banjar nang bajurut maumpati lawan abjad pamulaan mantranya.
B
[babak | babak asal-mulanya]Bismillaahirrahmaannirrahim
Huss
Huss
Buyung kadana kadini
Jangan ikam badiam
Di kulit Adam
Kulit Adam pahit wan panas
Kadiaman ikam
Di langit rungkang
Bumi rungkang
Sirih Madi Waringin
Asalnya api hangus
Asalnya api hancur
Asalnya bumi lamah.
Mantra ngini dipakai masyarakat Banjar gasan mamburu hantu Kuyang.[1]
D
[babak | babak asal-mulanya]Datu Tuguk, Datu Tugur
Guru Mandak
Sang Hiang lalu, lau kawai
Ikam bajauh ka rakun habang
Ka rakun kuning ka rakun hirang
Ikam jangan mamakan darah manusia
Makanan ikam darah kijang minjangan
Aku tahu ngaran ikam Canggap lawan canggup.[2]
T
[babak | babak asal-mulanya]Tarah-tarah papanku jati
Mati kusuma
Mati sampah anak Batara.[3]
Bahan acuan
[babak | babak asal-mulanya]- ↑ Sunarti, Sunarti; Purlansyah, Purlansyah (1978). Sastra Lisan Banjar. Jakarta: Pusat Pembinaan dan Pengembangan Bahasa. hlm. 180.
- ↑ Yulianto, Agus (2021-08-13). "MEDIA-MEDIA PELESTARIAN KEARIFAN LOKAL DALAM TRADISI LISAN BANJAR SEBAGAI UPAYA PEMERTAHANAN BAHASA IBU DI KALIMANTAN SELATAN". Multilingual. 20 (1): 66–76. doi:10.26499/multilingual.v20i1.179. ISSN 2620-6250
- ↑ Yayuk, Yayuk (2005). Mantra Banjar. Banjarbaru: Balai Bahasa Banjarmasin.