John Tralala

JOHN TRALALA (13 Juni 1959 – 26 Juni 2018), ngaran langkap sidin Yusran Effendi. Mahir mambawakan madihin, kasanian tumatan Kalimantan Salatan.

John_Tralala.jpg

Papadahan

• "Kakanakan anum kita barataan ni harus bajuang. Sakira kaina sani budaya Kalimantan Salatan jangan sampai hilang. Matan wahinian nitu tatap dikanang".
• "Masalah babinian jangan tapi disualakan. Tagal mamilih babinian jalas kada sambarangan. Harus nang baik wan jua baiman. Harus nang taat wan paraturan".
• "Lamun diri kita baisi sani, kaina kawa jadi pagawai nagari, minimal pajabat tinggi. Jadi tantara atawa pulisi, jadi kumandan itu sudah pasti".
• "Biarakan jaman baganti, tagal iman jangan sampai mati. Biarakan jaman baubah, tagal pandirian jangan sampai baguyah".
• "Hidup di dunia kita harus baingat, jangan sumbung diri marasa harat. Harus bapipintar hidup bamasyarakat, lamun handak jadi urang tahurmat".
• "Subahanallah dirancaki lagi, tagal manusia rancak kada ingat diri. Hanyar ingat Tuhan bilanya sakit hati, kada ingat Tuhan lamun sudah barajaki".
• "Rajinlah balajar, rajinlah manuntut ilmu. Mangaji ilmu nang baik ulun sangat katuju, mangaji ilmu nang tasalah bisa mati jadi hantu".
• "Barii papadahan san urang nang sakit hati, sakira buhannya kawa parcaya diri".
• "Lamun kita bakalakuan baik di masarakat, insya Allah urang mambari hurmat. Hidup barakah di dunia wan akhirat, kita jalanakan sasuai sariat.
• "Lamun ada urang mamusuhi kita, baiknya barii papadahan haja. Lamun handak babujur bakalahi, suruh ka Israil-Palastina".
• "Laki bagawi iringi dua rastu, supaya bagawi kada taganggu. Bulik ka rumah kira-kira pukul satu, haga di pintu wan bari kurihing dahulu".
• "Lamun balajar jangan angin-anginan. Bahanu rancak, bahanu kada mangaruan. Buku mambuku pina bahilangan. Bahimat balajar pabila handak ulangan. Pikiran kalut awak gagaringan. Bulik ka rumah disariki kuitan".
• "Napa nang ulun lakuakan dengan barkasenian wan hasilnya wahini adalah anugerah wan Rahmat Allah SWT,” kisah almarhum kapada penulis.

• "Ulun handak kaya apa sakira kasenian Madihin bisa tarkanal, nyaman di ingat wan jadi seni nang di katujui barataan kalangan,” ucap John Tralala wayah itu."

• "Cuba kita lihati wahini Kita makin sulit masalah ekonomi Kasenjangan susial wahini sering tarjadi. Cuba kita lihati di zaman wayahini, Kalau urang sugih makanannya daging ayam wan daging Sapi Kalau urang miskin makanannya iwak karing sampai badarah-darah tatusuk gusi."

Jujuhutan

Muhammad Rafiek. Humor dalam Madihin John Tralala dan Hendra (Kajian Jenis Humor Perspektif veatch, Gruner, dan Hobbes) dalam Jurnal Bahasa Sastra Seni dan Pengajarannya. 2018.

Noor Leha. Kajian Nilai Religius pada Madihin Karya John Tralala dalam Prosiding SENASBASA. 2017.