Abdullah Gymnastiar
Abdullah Gymnastiar dipinandui wan dikiau Aa Gym ialah pancaramah di Indunisia nang rancak mambari papadahan hiwal kaluarga. Diranakakan di Bandung, 29 Januari 1962). Sidin Pamimpin Pasantren Daarut Tauhid Bandung. Sidin juwa dahulu rutin maisi siaran di Radio wan stasiun TV TVRI wan RCTI (Acara"Manajemen Qalbu"). Rancak jua diundang ka barbagai wilayah indunisia sapesialisasi bidang manajemen qalbu.[1]
Papadahan
[babak | babak asal-mulanya]- Awali tiap gawian lawan papacangan naik baik, maraga gagal waktu mampacangi sama lawan mampacangi kagagalan.
- Badagang itu niatnya matan dalam hati nurani. [2]
- Ikam rasa randah diri maraga tamatan SD, Madrasah wara atawa tamatan pasantrin? Cuba lihati habar ngini: Di Japang ada pangusaha nang tamatan (satingkat) SD, tatapi parusahaan nang diampunya sakalinya parusahaan nang ganal banar wan dihurmati banar. Napa rahasianya yu? Sakalinya, Inya manarapakan sistem 10 parsin kaahlian wan 90 parsin kamuliaan mural atawa akhlak kalakuan. [1]
- Hasilnya, inya dicintai banar wan di hormati banar ulih barataan pagawainya sahingga buhannya banyak bagawi babujur. Sabab ngintulah, Parusahaannya ganal aan di hurmati banar. Itu pang hasil kalau saurang sudah baisi kamuliaan akhlak.ulih sabab ngitu, jangan sakakali marandahkan diri maraga ilmu nang sadikit. Biar saikitannya ilmu, tapi tabila kataatan kita tinggi ka Allah, Insya Allah kita kada bakalan tahina. Labih baik bungul tapi sadar kabungulan kita saurang daripada marasa pintar tapi sumbung, ujub, takabur, riya' wan rancak mamandang randah urang lain. Mudahan Allah yang lagi manyaksiakan sagalanya mambari kakuatan dan mamasukakan kita kadalam gulungan ahli sukur wan ahli ma'rifat. [1]
- Padahal hidup nih singkat bangat. Kapan lagi kita marasaakan kabahagiaan tabila dari ari ka ari nang takumpul hawatir wara nang baujung galisah wan hilangnya parasaan nikmat dalam manjalani hahari kahidupan ni? Mimang hawatir tu awalnya balum mantapnya kayakinan bahua sagala kajadian yang manimpa mutlak datang dari Allah. [1]
- Bujuran tu! Siapa haja nang hudah sampai ka tingkat yakin ka Allah, kadada lagi nang bisa maulahnya haraan di dunia ni sabab inya tahu parsis bahua partulungan-Nya tu liwar parak. Labih capat datangnya daripada kilat nang manyambar!.[1]
- Tabila urang baucap sasuatu ka kita, kaluki inya kadada niat hagan manyakiti hati sabab ucapannya kadada nang tadangar kasar. Atawa kalau sakalinya ucapannya tarasa tajam wan manusuk ka hati, siapa tahu inya malakuakan ngintu tu karana tadurung ulih parasaan sayang, panuh parhatian, wan kawajiban. Wayah ngintu kajadian, kita lalu tasinggung, kada manarima atawa bahkan marasa tasakiti, maka mungkin barataan tu disababkan ulih hati kita nang sadang sangit wan banyak kabusukan haja dalamnya.[1]
Jujuhutan
[babak | babak asal-mulanya]Yudowidoko, Didik Wahadi. (2004) Primakata Mutiara Cerdik Cendikia. Disunting oleh Din Muhyidin. Jakarta: Penerbit Abdi Pertiwi. Halaman 124.