Yann Martel
Tampaian
Yann Martel (25 Juni 1963) yaitu saurang panulis novél matan Kanada. Sidin dipinandui urang banyak di saluruh dunia maraga maulah novél Life of Pi nang suksis banar wan sudah diulah jadi pilim nang mamanangakan Oscar. Sidin baisi pangalaman hidup di bamacam nagara maraga kuitan sidin adalah diplomat, nang kaina maulah cara bapikir sidin labih tabuka dalam malihat bamacam karaktir manusia wan kabiasaan adatnya. [1]
Papadah
[babak | babak asal-mulanya]- Ulun tarus mambari ruang gasan pambaca mangartikan saurang kisah nang ulun tulis, maraga sanyatanya fiksi atawa sani ngitu adalah sabuah pilihan gasan manafsirakan kanyataan sasuai kahandak kita. [2]
- Hal nang bujur sanyatanya labih ganal daripada sakadar fakta haja; fakta cuma titik mula matan sabuah kisah, tagal magin kaya tafsiran kita ka hidup, maka pacangan magin sugih jua kisah nang kita baisi. [2]
- Manulis carita nini campuran antara fakta wan fiksi, di mana kita maminilih karaktir wan kaadaan ganjil gasan mambawa kabanaran ka hadapan, lainan sakadar mahiasi carita supaya tarus kalihatan bungas. [2]
- Wayah kita mambaca buku, kita saurang nang maulah kisah ngitu hidup matan tulisan-tulisan handap di kartas, babida lawan pilim nang rasanaya labih mamasak pikiran kita lawan gambar wan musik nang sudah disadiakan. [2]
- Pangalaman ulun bagana di bamacam nagara nangkaya Prancis, Meksiko, wan Kosta Rika mambuka pikiran ulun matan halus pasal bamacam cara hidup, bahasa, wan cara bapakaian nang kaina mampangaruhi tulisan ulun. [2]
- Kadada hal nang labih sadih daripada urang nang kadada baisi kisah gasan dipadahakan pasal hidupnya; sani nang hibat datang matan rasa tabuka kita ka pangalaman manusia wan pandangan urang lain. [2]
Jajuhutan
[babak | babak asal-mulanya]{[reflist}}
- ↑ "Bukabuku.com - Pojok Pengarang". www.bukabuku.com. Diakses tanggal 2026-05-09.
- ↑ 2,0 2,1 2,2 2,3 2,4 2,5 "Yann Martel". The Talks (dalam bahasa Inggris). 2016-03-16. Diakses tanggal 2026-05-09.