Sebelas

Sebelas ialah novel ulahan Tere Liye nang ditarbitakan ulih panarbit Sabak Grip Nusantara pas 2025.

Sinupsis

Novel Sebelas matan karya Tere Liye ngini mangisahakan saurang 'bule' nang bangaran Paul nang tadampar di Bali lawan sagala ngalihnya kahidupan. Susuk matan waktu bahari manggasaknya gasan bulik ka lapangan hijau, maulah sabuting tim bal sepak nang baanggotakan ulih kakanakan baisi bakat matan sabarataan panjuru Indunisia, gasan kena mahadapi tim-tim ganal Eropa kayak Real Madrid, Manchester United, Barcelona, wan lainnya.

Novel ngini malihat kisah panjang perjalanan Paul wan kakanakan binaan inya, kiyapa parjuangan wan makna bal sepak gasan buhannya, juwa tatakunan nang arti bal sepak dalam peradaban.

Narator

• "Sahebat apapun kamampuan saurang kakanak halus ngitu, bal sepak ialah bamainan tim, 11 lawan 11, inya butuh kawanannya." (hal. 30)
• "Ngitulah misteri takdir. Digarisakan sadamikian rupa, ulihnya sabarataan tajadi susul-manyusul. TInggal kena apakah kita handak malihati ngini sabuting jawaban atawa kada." (hal. 44)
• "Apakah saurangan ngitu penting pas di planet Bumi wayahini ada 8 miliar urang labih? Balum lagi mahitung 117 miliar lain nang suah hidup wan hudah maninggal. Apa nang sabujurnya hakikat penting atawa kadanya saurangan ngintuh?" (hal. 62)
• "Kanyataannya kaya ngini rasanya badamai lawan diri saurang. Inya kawa manganang, mamikirakan hal ngitu kada basarik-sarik, sangkal, atawa mambenci." (hal. 99)

Paul

• [lawan David] "Kita kada suah satinggat, David. Ikam malatih tim bal sepak Eropa nang sugih banar, nang katuju eksistensi banar. Industri kapitalis nang mahitung pristasi lawan piala. Ulun malatih kakanakan kampung. Mangajari buhannya raminya bamainan bal sepak." (hal. 55)
• [lawan Nyoman] "Jaka ikam handak manggolakan ka gawang, wayahini ikam kada usah bapikir lalu. Gawian ikam malumpat satinggi mungkin haja, lalu sundul balnya. Imbahnya jaka kadada bal sepak di situ, ikam lompat haja, sundul kapala ikam." (hal. 83-84)