Roberto Bolaño

Gambar grafiti Roberto Bolaño di Barcelona, Spanyul

Roberto Bolaño (28 April 1953 – 15 Juli 2003) yaitu ngaran panulis wan panyair matan Cili nang dianggap sabagai salah saikung sastrawan nang ganal banar pangaruhnya gasan sastra Amirika Latin. Bukunya nang paling tarkanal yaitu The Savage Detectives dan 2666, mangisahi jua mandalami sual kakarasan wan kahidupan bubuhan urang-urang nang pintar. Inya jadi urang nang mauluakan garakan Infrarrealismo, gaya panulisannya nang sigar wan bahanu mamancing urang lain gasan manggawi sasuatu, banyak mambari pangaruh gasan bubuhan panulis kakinian sampai wayah ini.

Papadah

• Aku handak jadi panulis harat nang kaya Philip K. Dick, tagal sasagin ka sini aku marasa sasagin tuha, Dick pinanya kada kawa takapung lagi.
• Kanapa aku kada mamasang AC di kamar gawiku? Maraga aku hidup di dunia nang karas, kada di surga. Itu prinsipku.
• Akademi Karajaan Spanyul ngitu kaya guha nang isinya hibak lawan urang-urang nang baisi harta wan kauntungan badahulu.
• Saban kali aku mambaca ada nang mamburukakan aku, aku langsung manangis guling batang, aku bagaru kabingungan, aku ampih nulis salawasan, aku kada handak bacungul di mana-mana, aku kada tapi baruku lagi, aku baulahraga, aku bajalan di pinggir laut nang andakannya tatiga puluh mitiran matan rumahku, aku batakun wan burung camar, nang padatuannya mamakan iwak nang mamakan Ulysses: Kanapa aku? Kanapa? Aku kada suah maapa-apai buhan ikam.
• Kita samuaan tarait lawan buku. Parpustakaan jadi paumpamaan nang paling baik gasan manusia, sama nang kaya panjara atawa kurungan nang jadi paumpamaan nang paling buruk gasan manusia.

Puisi

Godzila di Meksiko

Dangari bujur-bujur, anakku: ada bum gugur di Mexico City tagal kadada nang manahunya. Angin mambawa racun di jalanan wan lalungkang nang tabuka. Ikam hanyar aja tuntung makan wan nuntun kimus di tipi. Aku mambaca di kamar sabalah rahat aku sadar kita cagaran mati. Aku marasa mauk wan parutku maula-ula tagal aku mamaksaakan diri ka dapur supaya kawa manamui ikam. Kita bapagutan.

Ikam batakun ada kajadian napa tagal aku kada mamadahi bahwa damini kita tamasuk dalam rancana kamatian. Malah aku bapadah kita lagi bararamian, baimbaian, jadi ikam kada usah takutan. Rahatan tulak, kamatian kada kawa mamajamakan mata kita.

Kita ngini napa? ikam batakun saminggu atawa satahun imbahnya. Kamungkinan ganal nang kaya samut, wanyi, atawa angka nang salah dalam samangkuk sup basi kah? Kita manusia, anakku, mirip nang kaya burung, pahlawan publik tagal kada nampak.

Pranala Luar

Wikipidia baisi tulisan insiklupidia hiwal:

Roberto Bolaño