Rafael Nadal
.jpg)
Rafael Nadal Parera (3 Juni 1986) ialah atlet tenis matan Spanyol. Salawas 23 tahun inya jadi pamain tenis, Rafael Nadal dapat 92 galar juara, tamasuk 22 Grand Slam. Rafael Nadal jua jadi pamain nang dapat Grand Slam paling banyak dalam sauting turnamin, yaitu 14 galar di French Open, sampai inya digalari "Raja Tanah Liat". Rafael Nadal ampih main (pansiun) tanggal 10 Uktubir 2024.[1]
Papadah
[babak | babak asal-mulanya]- Uy barataan. Aku di sini handak mahabari ikam bahuwa aku ampih (pansiun) tumatan tenis propesional. Sabujurannya, ini nih tahun-tahun nang ngalih, apalagi dua tahun paampihan, aku marasa balum kawa main kada babatas (nang kaya dahulu). Ini jujur haja kaputusan nang ngalih, parlu waktu gasan aku manahapi, tagal dalam hidup ni barataan hiwal baisi pamulaan wan paampihan.[2]
- Kulawarga nitu sagalanya gasan aku. Umaku sudah manggawi barataan sakira kami baisi napa haja. Biniku, Mery, kami sudah 19 tahun, tarima kasih gasan barataan nang ikam gawi. Bulik ka rumah malihat anakku sasar baganal, jadi kakuatan nang maulah aku kawa hidup wan maju tarus.[2]
- Aku kada baisi cara handak manyampai akan tarima kasih atas apa nang buhan ikam (panggamar) bari gasanku. Buhan ikam sudah mambari aku kakuatan nang aku parlu saban ari. Barataan nang aku gawi ini kaya mimpi jadi kanyataan. Aku tulak (pansiun) wan pikiran nang barasih, lantaran aku sudah mambari nang pambagusnya.[2]
- Apakah aku handak jadi prisidin (Real Madrid)? Kayanya iya pang. Pikirku aku handak aja, tagal ada banyak ihwal nang musti digawi. Wahini kadada nang parlu dikisah, lantaran kita sudah baisi prisidin nang pambagusnya (Florentino Pérez).[3]
- Apa nang aku pikir akan hari ini, balum tantu aku pikir akan pulang isuk. Ada banyak ihwal dalam hidup. Ikam harus tahu apakah ikam cukup pasaratan gasan manggawi ihwal kaya ini (jadi prisidin Real Madrid). Aku urangnya rialistis haja, tahu inggan mana aku kawa. Aku baluman batakun wan Perez parihal nitu, jadi ikam nang tabawa pamandiran urang. Aku marasa kada rasuk jadi prisidin.[3]
- Lionel Messi atawa Cristiano Ronaldo? Ini patakunan nang ngalih banar, tagal apa nang aku tiring, aku manyambat Ronaldo pang. Aku kada manyambat Cristiano lah, aku bapandir parihal "Sang Fenomena" Ronaldo, urang Brasil.[4]
Jujuhutan
[babak | babak asal-mulanya]- ↑ "Profil Rafael Nadal: Prestasi, Gaji, Kekayaan, hingga Alasan Pensiun". inilah.com (dalam bahasa Indonesia). Diakses tanggal 2026-05-04.
- ↑ 2,0 2,1 2,2 Rodríguez, Mónica (2024-10-31). "RAFA NADAL ANNOUNCES HIS RETIREMENT FROM PROFESSIONAL TENNIS". Rafa Nadal Academy (dalam bahasa Inggris). Diakses tanggal 2026-05-04.
- ↑ 3,0 3,1 Bola.com (2023-09-20). "Rafael Nadal: Saya Ingin Jadi Presiden Real Madrid". bola.com (dalam bahasa Indonesia). Diakses tanggal 2026-05-04.
- ↑ Gusti, Ade (2020-12-18). "Bicara Idola Sepak Bola, Rafael Nadal: Sang Fenomenal Ronaldo, tapi Bukan Cristiano". Indosport. Diakses tanggal 2026-05-04.