Papadah Dayak Halong

Papadah Dayak Halong adalah kalimat handap nang manggambarakan wan jadi tatanan nilai-nilai kahidupan di suku Dayak Halong. Nilai-nilai baik nang ada di dalamnya kada sabatas maatur kalakuan saurang atawa buhan masarakat, tamasuk jua hubungan awan alam lingkungan, wan hubungannya lawan Tuhan.

Hubungan wan Diri Saurang

1. Tasusuran basumbi kuing

Arti: handaknya sadar kasalahan saurang sabalum manyalah akan urang lain.

2. Kibit lunek saorang, wa’u ngibit ulun

Arti: lamun kita marasa sakit atas palakuan nang kada baik gasan kita, maka kaitu jua nang urang lain rasa akan.

3. Ha kapit hapau mae’ang

Arti: mamburuk akan urang lain tu nyaman haja, bila inya surang sudah dalam kaadaan himung.

4. Laka sampuraka

Arti: sudahnya miskin, malarat, cacat, baisi tabiat nang kada baik pulang.

Hubungan wan Sasama Manusia

1. Bila ipander ihanga badaholo

Arti: jangan mambarang mangaluarakan sambatan nang bisa jadi manyinggung parasaan urang lain.

2. Salajur manyalajur

Arti: manggawi dua atau tiga gawian salajuran.

3. Mararumba ta’ii

Arti: umpat-umpatan haja, atawa kada baisi pandirian.

4. Sambut saluangan

Arti: katuju manyahut pandiran urang, padahal urang balum tuntung bapandir.

Hubungan wan Tuhan

1. Matei rampasan

Arti: urang nang maninggal wayah anum lantaran diguna-guna.

2. Pujud sumala

Arti: urang nang manggawi nang kada-kada di luar nikah atawa jina.