Olenka

Olenka yaitu novel pamulaan ulahan Budi Darma. Novel ngini tarbit pamulaan pas 1983 wan hudah maraih banyak pangharagaan kaya Sayembara Dewan Kesenian Jakarta juwa SEA Write Award. Olenka ngini mangisahakan patualangan pikiran wan jasmani matan saurang tukuh bangaran Fanton Drummond. Lalakian nang takait jiwanya lawan Olenka, yaitu saniman binian nang manyarupai hantu.

Papadah Novel Olenka

• "Sabarataan hidup ulun ialah sarangkaian proses bapikir."
• "Ujar Olenka, Wayne baisi jiwa kaya paminta-minta dibarii kasampatan guring di ranjang nyaman, jaka dibiarakan inya kada wani napa-napa, kalau dihantak inya bukah mancincing, wan jaka dibarii hati jadi kurang hajar wan senyaman-nyamannya."
• "Hidup inya kada manunda kakalahan haja, tapi juwa kahancuran, sabalum imbahnya inya manyarah."
• "Katargantungan inya kadanya sawagai kakanak lawan abah atawa binatang lawan pawang, tapi kakanak buta lawan tungkat inya."
• "Sakalinya wahini ulun marasa, atawa manyadari, atawa maakui, bahwa hati nurani haja kada cukup. Ada sasuatu nang labih tinggi, agung, wan murni. Ulun kada tahu di mana tampatnya nang ulun gagai. Akan tapi, labih nyaman gasan ulun manggagai inya lawan jalan balutut wan maminta-minta. Nginilah garakan ripliks ulun dalam manyarahakan saurang, mamuhun pangampunan, wan mamuhun partulungan. Ulun marasa halus, kada baarti, wan kada badaya."
• "Antah kiyapa, ulun marasa nang ulun gawi masih kurang. Ulun handak pasrah wan manyarahakan saurang, tapi ulun marasa ada sasuatu dalam diri saurang nang balum siap gasan ulun ajak. Rasanya balutut wan maminta-minta balum cukup. Tadurung ulih kahandak gasan manunjukakakn kahalusan diri saurang, gasan pasrah dan manyarahakan saurang, imbah balutut ulun mambungkuk wan manyantuhakan kaning ulun di rarumputan. Ada parasaan sigar manyalinap di lubuk hati ulun. Sakalipun kaitu ada juwa parasaan basalah. Ada sasuatu nang rasanya kurang kana. Kaya manyatir mubil, ulun kada dapat manyatuakan karjasama antara gas lawan kopling pas waktu mamindah persneling. Lawan damikian, ada juwa parasaan manyandal-nyandal dalam lubuk hati ulun. Saandainya mubil ulun kaini tarus, salah-salah gigi-gigi mesin ulun kawa rompalan wan runtukan."

• "Ulun kada suah marasaakan butuh batanggung jawab. Umpama ulun baisi bini wan kanakan kena, ulun akan sadar bahwa kalakukan ulun tarus mambawa pangaruh lawan buhannya wan nginilah nang akan maminandui ulun gasan kada manturuti hawa nafsu saurang."
• "Lewat inya ulun jadi binatang, tapi juwa lewat inya ulun kada jadi binatang lagi."
• "Pajalanan ulun kaya garak mubil di jalan ganal, ada lampu habang ulun basetop, ada lampu hijau ulun bajalan, wan pas waktu mamaraki panyabarangan ulun mangurangi kacapatan."
• "Imbah ulun malibatakan emosi dalam hubungan ulun lawan Olenka haja, ulun mulai manyadari adanya kahandak gasan manyambung katurunan, maitihi bulik waktu kakanak ulun, wan maitihi kakusungan waktu bahari ulun."
• "Ulun marasa bahwa ulun sabuting gajala haja. Kadanya nang lain ulun kada baisi arti, kada baisi fungsi, wan kadada."
• "Kayanya ulun kada akan bahasil. Sakalipun kaitu, ulun baisi kasampatan gasan manggawi kabibasan ulun manantuakan pilihan."
• "Mirip banar waktu kakanakan ulun lawan lalu lintas di jalan ganal; sabarataan diikat ulih kaidah furmal, saraba taatur, wan kadada ikata emosi."
• “Saya merasa bahwa saya hanyalah sebuah gejala. Tanpa yang lain saya tidak mempunyai arti, tidak mempunyai fungsi, dan tidak ada.”
• "Alam cukup peka haja gasan manangkap kalakuan sasaurang nang dirundung cinta wan kada bisu."
• "Ulun maharapakan garimis malajui kadap, supaya ulun tanggalam dalam kakadapan."
• "Akan tapi, imbahnya ulun harus manamukan. Kada mungkin kaadaan manjadikan ulun ubjek kabatulan gasan salawasan. Pas waktu kena, pasti kaadaan akan mambarii kalunggaran lawan ulun gasan jadi subjek."
• "Satasiun bis mirip banar lawan dunia ulun sahari-hari, bajalanan ka sana ka mari, bagaya, kadada tujuan. Di luar situ, di dunia ulun sahari-hari, ulun jua kaitu, batarusan haja, ke mana-mana kah, antah tujuannya gasan napa."
• "Ulun tahu napa nang ulun kahandak akan, Ulun handak sampai, gasan kena jadi iskaya (kuat)."
• "Ulun kadanya manyarubut Olenka matan Wayne haja, tapi juwa maitihi banar tubuh Wayne sawagai bahan tatawaan. Ulun sampai kapuasan dalam kadua kajahatan ngini. Karana kalakuan ulun kaitu, ialah kada mustahil jaka Olenka juwa mamparlakukan ulun kaya mamparlakukan Wayne di hadap ulun. Ialah kawa ditarima akal, jaka Wayne juwa baisi hak gasan maitihi banar tubuh ulun wan manjadiakan tubuh ulun sawagai bahan tatawaan."
• "Ulun manyadari kakurangan ulun, antah napa ngarannya. Wan gasan manutupi napa nang kada ulun tahu, ulun hidup saadanya."
• "Ulun rancak mamusuhi diri saurang, wan jaka pamusuhan ngini tajadi, ulun bausaha gasan lakas kaluar mata diri saurang. Dalam kaadaan kaitu ulun handak mamparlakukan duru saurang sawagai ubjek pangamatan diri suarang."
• "Siapa haja kawa kada dapat manilai akan sasuatu kada talibat wan mangalaminya saurang."
• "Satiap pangalaman kawa mambah nafsu haja gasan manambah pangalaman lain."
• "Ulun himung masih kawa bamimpi. Jaka ulun kada kawa bamimpi, baarti hidup ulun hudah karing banar."