Oemar Said Tjokroaminoto

Oemar Said Tjokroaminoto ranak di Desa Bungkur, Madiun, Jawa Timur, tanggal 16 Agustus 1882. Ngaran langkapnya adalah Raden Hadji Oemar Said Tjokroaminoto.

Tjokroaminoto adalah anak kadua matan dua walas badingsanak, Sidin ranak matan kaluarga bangsawan Jawa nang baisi pandangan Islam nang kuat.

Papadahan

• Satinggi-tingginya ilmu, samurni-murninya tauhid, sapintar-pintarnya siasat.”
• Dalam bidang politik, Cokroaminoto baisi pamikiran pasal demokrasi negara malalui departemen parwakilan gasan mamilih urang-urang nang mamagang kakuasaan nang bibas matan panjajah.
• Adapun visi politik Cokroaminoto adalah mambantuk Sosialisme Islam di mana bangunan ekonomi, sosialistik manjadi dasar kabijakannya kada baisi monopoli, riba, wan eksploitasi. Sidin mancinta-cintaakan bangunan masyarakat nang badasarkan badangsanakan, kamandirian wan parsamaan tapi tatap religius wan cinta tanah banyu.
• Manurut sidin, sabagai agama nang rasional, modern wan baisi landasan tauhid nang bujur, maka panguasaan atas ilmu pengetahuan musti digalakan, di samping mananamakan rasa ka-Islaman nang dalam wan mambari pangharagaan tarhadap tanda-tanda kabasaran tradisi Islam.
• Tjokroaminoto rancak mambari pasan ka murid-muridnya, “Mun buhan pian handak jadi pamimpin ganal, manulislah kaya wartawan wan bapandirlah kaya orator.”
• Salah sabuting wasiat Tjokroaminoto nang terkenal adalah “Lerena mangan sadurunge wareg” nang artinya “baranti makan sabalum kanyang”. Pasan nang basumber matan hadis Nabi ini dimaksudakan supaya generasi panarus mahindari sikap rakus wan sarakah sarata mamakai jabatan gasan kapantingan pribadi wan gulungan. Sidin manyampai akan sabuting wasiat tatulisan nang disahakan ulih forum sabagai “Paduman Umat Islam”. Isinya barupa pasan ka umat Islam supaya manjadi palupur dalam upaya mambawa masyarakat manuju tatanan kahidupan nang sasuai lawan ajaran