Nurul Huda Djazuli
KH. Nurul Huda Djazuli ngini adalah pangasuh Pondok Pesantren Al Falah, Ploso Kediri, Jawa Timur. Sidin ni anak kaampat matan KH Djazuli Utsman lawan Nyai Hj Rodliyah. Sidin jua marupakan Mustahsyar Pengurus Wilayah Nahdlatul Ulama (PWNU) Jawa Timur wan salah satu Rais Syuriah Pengurus Besar Nahdlatul Ulama (PBNU).[1][2]
Papadah
[babak | babak asal-mulanya]- Anak bibinian, amun ikam handak mancari laki, carilah nang alim, nang babisi ilmu, nang ilmiyah-amaliyah wan amaliyah-ilmiyah. Jangan sampai salah milih laki tu asal-asalan haja atawa asal dapat, musti bujur-bujur dipilihi. Soalnya, sosok laki tu penting banar dalam rumah tangga, marga nasab tu maumpat jalur lalakian. Nang disambat dalam tingkatan nasab tu ya abah wan abah.[3]
- Peran uma tu kada kalah pentingnya jua. Kaina bapak-ibu lihati haja hasil balajar anak bibinian kita. Nang paling prinsip banar, do'akan sidin-sidin tu supaya jadi ahli ilmu, ba'isi kahabaikan, wan bartaqwa lawan Allah.[3]
- Hati-hati haja lawan kapintaran ngini, banyak banar pamuda nang hancur marga kapintarannya kada diimbangi wan adab wan tata krama.[4]
- Amun kita ingat lawan masalah ngini, paling kada niat handak macam-macam tu kawa haja ditahan, kawa dikurangi, wan kawa disadarhanaakan. Handak baisi duit bamilyar-milyar sampai batriliun-triliun, jar urang wayah ini. Insya Allah kada sampai nang kaya ngitu, karana apa? Karana ingat lawan mati.[5]
- Ini nang musti kita ingat sabarataan. Habis nintu, jangan suah kici hati. Jangan suah. Kici hati tu wajar haja, tapi amun ulun pikir-pikir, buat apa kici hati amun kita masih parak lawan Allah? Tatap rajin ngaji, kada usah malihat kanan-kiri. Satu lagi, jangan tarburu-buru, marga amun tarburu-buru bisa-bisa gagal. Ngitu nang paling kita takuti.[5]
- Ulun minta buhan anggota wan pimpinan NU sabarataan musti banar-banar basatu wan kompak. Jangan sampai kada sapakat, marga amun kada basatu wan kada kompak, mustahil NU kawa barhasil.[6]
Jujuhutan
[babak | babak asal-mulanya]- ↑ "Profil Sembilan Anggota AHWA Muktamar Ke-34 NU". NU Online (dalam bahasa Indonesia). Diakses tanggal 2026-05-04.
- ↑ "Profil KH Nurul Huda Djazuli, Pengasuh Pondok Pesantren Al Falah Ploso Kediri Jawa Timur". Surya.co.id (dalam bahasa Indonesia). Diakses tanggal 2026-05-04.
- ↑ 3,0 3,1 "Pesan KH Nurul Huda Djazuli untuk Perempuan yang Sedang Mencari Calon Suami". NU Online (dalam bahasa Indonesia). Diakses tanggal 2026-05-04.
- ↑ Kompasiana.com (2026-01-21). "KH Nurul Huda Djazuli : Kecerdasan yang Menghancurkan Pemuda". KOMPASIANA (dalam bahasa Indonesia). Diakses tanggal 2026-05-04.
- ↑ 5,0 5,1 "KH Nurul Huda Djazuli: Orang Jika Ingat Mati Tidak Akan Berbuat Aneh". NU Online (dalam bahasa Indonesia). Diakses tanggal 2026-05-04.
- ↑ "KH Nurul Huda Jazuli: Perjuangan NU ke Depan Penuh Tantangan". khazanah.republika.co.id. 01-03-2023. Diakses tanggal 04-05-2026.