Muhammad Ali

Muhammad Ali

Muhammad Ali baisi ngaran langkap Cassius Marcellus Clay Junior, diranak akan di Amarika, 17 Januari 1942, wan habis umur pas Juni 2016. Muhammad Ali ialah pamain tinju nang suah dapat galar juara dunia, wan dapat madali amas Olimpiade Roma 1960.

Papadah

1. Wayah kita bujur, kadada nang ingatnya. Tagal wayah kita tasalah, kadada nang kada ingat.
2. Sabalum masuk Islam, aku suah baisi pacar urang kulit putih dua hari haja. Bujur aku balum masuk Islam, tagal aku marasa nitu kada bujur, kada mambadai. Aku kada himung, malah kaya urang babungulan.
3. Rajin aku manulis bila sudah tangah malam, wayah talipun ampih babunyi wan sunyi, kadadaan urang lagi. Barataan panulis nang harat nitu dasarnya katuju manulis malam-malam. Bahanu aku guring siang, limbah nitu bangun jam dua subuh wan manggawi nitu (manulis).
4. Bakalahi malawani bangsa-bangsa digawi gasan maubah pata, tagal bakalahi malawani kamiskinan musti digawi gasan maulah pata paubahan.
5. Agama Islam nitu agama nang bujur, nang dibawah Nabi Muhammad. Di wadah kami ada ngaran kaya Grady Clay, Hawkins, Smith wan Jones, Johnson. Tagal gasan kami nang bakulit hirang, nitu ngaran-ngaran budak. Muhammad Ali nitu ngaran nang bagus gasan bubuhan kulit hirang ulih paninian-padatuan kami.
6. Di Amarika kita malihat Yesus kulitnya putih, rambutnya kuning, matanya biru. Kita malihat karasmin di garija barataan urangnya bakulit putih. Tiringi Miss Universe, bibinian kulit putih, Miss America gasan binian kulit putih, Miss World gasan binian kulit putih, sampai ka Tarzan, raja hutan di Aprika nitu kulitnya putih jua.