Laut Bercerita

Laut Bercerita marupakan salah sabuting novel matan Leila S. Chudori nang ditarbitakan panambaian wayah 2017 ulih Kapustakaan Papulir Gramedia Jakarta. Novel bagenre fiksi ngitu baisi jumlah samunyaan 394 halaman nang ditulis maumpati fakta nang ada lawan manggawi riset bapandiran langsung lawan urang-urang di dalam inya gasan mandalami kalakuan, tampat, wan paristiwa nang hudah barari. Novel ngini barhasil mandapati panghargaan S.E.A. Write Award nang dbarii ulih Karajaan Thailand pas 2020 wan "Book of The Year" matan IKAPI Award pas 2022. Imbah, novel ngini hudah diadaptasi ka dalam bantuk pilim handap lawan durasi ± 30 minit nang disutradarai ulih Pritagita Arianegara wan dibintangi ulih Reza Rahadian, Ayushita, wan Dian Sastrowardoyo.

Sinupsis

Lawan nuansa suasana Indunisia pas wayah Orde Hanyar, novel Laut Bercerita barhasil mambungkus kisah kakajaman wan kabangisan nang dirasaiakan ulih sakalumpuk aktivis mahasiswa pas wayahitu. Hilang inya dimokrasi wan kabibasan bapandapat jadi amanah nang handak disampaiakan dalam panulisan buku novel ngini. Ada juwa kisah nang dibawakan dalam novel ngini tabagi jadi dua danul lawan jarak waktu nang cukup jauh babida. Pas danul panambaian inya, kisah dibawakan lewat buncu pandang tukuh bangaran Biru Laut basarta bubuhan kawan sasama aktivis inya sambil manuntungakan visi atawa tujuan bubuhannya. Salain ngitu pas danul lain inya, kisah diambil matan buncu pandang Asmara Jati, ading matan Laut nang baisi tujuan atawa visi nang candarung balain lawan Laut.

Narator

"Matilah ikam mati. Ikam akan hidup ulangan." (hal. 1)
"Ulun kada tahu apakah ulun hudah maulah jajak atawa balum salawas hidup ulun." (hal. 197)
"Kadatahuan wan kadapastian dahamu jauh labih hakun mambunuh pada pambunuhan." (hal. 256)

Biru Laut

"Tuhan, kita sasain parak. Pian tarasa handak manaungi ulun." (hal. 5)
[lawan Asmara] "Jaka jawaban nang kalian gagai kadada dapat, jangan maanggap bahwa hidup adalah sarangkaian kakalahan. Di dalam upaya nang panjang wan bajilid-jilid ngitu, musti ada babarapa langkah nang signifikan. Ulun kada tahu Indunisia sakaya napa nang kalian alami wayahini, ulun harap jauh labih baik hakin di wayah hidup ulun wan ulun harap kadada lagi panculikan wan pambunuhan lawan bubuhannya nang kritis." (hal. 373)
"Pas wayahitu, ulun bujur-bujur disarakan bahwa babinian kada malahirkan lalakian (wan babinian) haja, tapi juwa panyalamat kaum kami." (hal. 375)
[lawan Asmara] "Jaka kada karana pian, Kinan wan Anjani, kayanya ulun kada akan sapanuhnya mamahami feminisme. Jaka bukan karana kalian batiga, ulun kada akan manyadari batapa babinian pancipta kahidupan, panggarak matahari, wan paniup ruh kagairahan hidup." (hal. 225)

Bram

[lawan Biru Laut] "Kita kada kawa baharap sabarataan urang akan tarus luyal lawan parjuangan wan paawalan." (hal. 30)
[lawan Biru Laut] "Di kampus kita balajar disiplin dalam bapikir haja, tapi pangalaman nang mambarii daya dalam hidup adalah di lapangan." (hal. 32)
[lawan Biru Laut, Alec, Sunu, wan Julius] "Kabujuran ada di tangan bubuhan nang mamihak rakyat." (hal. 171)

Asmara

[lawan Alex] "Kada panting kanapa bubuhannya malapas Alex, Daniel, wan kakawanan wan justru manahan nang lain, wan kayanya mambunuh inya. Nang panting adalah kakajian bubuhannya harus ada ganjarannya sacara hukum, kada cukup dipacat matan militer tarus haja. Ngini masalah nyawa."

Kinan

[lawan Biru Laut] "Saban langkah pian, langkah kita, apakah talihati atawa kada, adalah sabuting kontribusi, Laut." (hal. 183)