Genesis Owusu

Kofi Owusu-Ansah (diranakakan 1998), dipinandui lawan ngaran Genesis Owusu yaitu panyanyi Ghana-Australia matan Ngambri/Canberra. Sidin diranakakan di Ghana wan pindah ka Australia wayah baumur 2 tahun. Musik sidin manggabungakan genre soul, funk, rap, wan pop sagan maulah suara nang lain pada nang lain. Album panambayan sidin, Smiling with No Teeth, dikaluarakan wayah 5 Marit 2021. Kurang labih 60 jam musik nang diulah salawas marakam sagan album ngini, imbah nitu dipilih lagu-lagu nang baisi kisah tartantu sagan dimasukakan ka album.

Papadah

1. Ulun manarai maulah sasuatu nang has banar lawan ulun, jadi waktu nitu kada manjadi urusan lagi.
2. Karya ulun kawa haja tajadi di masa bahari banar atawa di masa dapan banar. Nitu ada di wadah saurang nang bibas matan urusan waktu.
3. Ulun handak tatap bajalan. Ulun handak maulah barataan urang hiran, tamasuk diri ulun saurang.
4. Matan halus ulun kada katuju amun urang mambari harapan ka ulun, marga nitu pacang manjadi halat ulun lawan inya.
5. Rasa gair nitu nangkaya subalah mata duit lawan rasa rami.
6. Amun kadada urang nang katuju lawan musik ulun, ulun jua kada pacang maubahnya.