Ganjar Pranowo
Ganjar Pranowo, diranakakan pas tanggal 28 Uktubir 1968 di Tawangmangu, Karanganyar, Jawa Tangah baparakan lawan Hari Sumpah Pemuda. Sidin ngintu anak kalima matan anam badangsanak matan kuitan S. Parmudji nang bagawi jadi pulisi lawan Sri Suparni. Ngaran sidin pas diranakakan ngintu Ganjar Sungkowo tagal dudinya diubah ulih kuitan sidin pas sidin bamula masuk sakulah dasar jadi Ganjar Pranowo, harapannya sakira hidup sidin kada tarus-tarusan bakubang di dalam rasa sadih.
Gawian sidin di dunia politik bamula jadi Deputi I Badiklatpus PDI-P (2002), tarus bapasul jadi angguta DPR RI matan Fraksi PDI-P jaman 2004–2009 di Komisi IV lawan jaman 2009–2013 jadi Wakil Katua Komisi II. Sidin umpat jua di dalam Pansus Angket Bank Century. Wayah 2013, Ganjar barhasil manang di Pilkada Jawa Tangah nang dilantik jadi Gubarnur wayah 23 Agustus 2013. Sidin mamimpin baduwa Heru Sudjatmoko (2013–2018) lawan Taj Yasin Maimoen (2018–2023). Dipinandui urang sabagai "Hubnur Twitter" marga rancak manarima pandapat rakyat lewat midia susial, sidin jua malungsurakan macam-macam kapintaran nangkaya prugram "Jogo Tonggo" wayah jaman wabah COVID-19.
Rahatan 21 April 2023, Katua Umum PDI-P Megawati Soekarnoputri mamadahakan Ganjar Pranowo sabagai calun prisidin gasan Pamilihan Prisidin 2024. Ganjar kawin lawan Siti Atikoh Supriyanti imbahtu baisi saikung anak lalakian, ngarannya Muhammad Zinedine Alam Ganjar. Catatan sugih sidin LHKPN per 31 Disimbir 2022 tarikin Rp11,77 miliar.[1]
Papadah
[babak | babak asal-mulanya]- "Pagustian ulun tu am urang banyak, Gubernur wastu amanat."[2]
- "Suara urang banyak tu am suara Tuhan, pagustian ulun tu am urang banyak wan gawian wastu amanat."[3]
- "Kita musti baarian wan bahandipan gasan mambangun Indunisia nang sasar adil lawan makmur."[4]
- "Ulun ni urang kampung, ulun paham banar napa nang diparluakan urang jaba."[5]
- "Pamarintahan ngintu musti malayani rakyat, lainan malayani diri saurang."[5]
- "Wayah Hari Sumpah Pemuda ni musti diulah jadi tatakan gasan bubuhan nang anum-anum kita gasan mampahamakan haratnya wan mungkatnya lawan dunia."[6]
- "Uma Mega, tarima kasih, lawan mambaca Bismillahhirrahmanirrahim, insya Allah kami cagar manggawi gawian ni lawan sabagus-bagusnya."[7]
Jujuhutan
[babak | babak asal-mulanya]- ↑ Nurdyansa (2016-09-26). "Biografi Ganjar Pranowo, Pemimpin Inspiratif Dari Jawa Tengah". BiografiKu.com | Profil dan Biografi Tokoh Terkenal (dalam bahasa Indonesia).
- ↑ "Ganjar Pranowo " Tuanku Rakyat" – Pemerintah Provinsi Jawa Tengah" (dalam bahasa Inggris). Diakses tanggal 2026-05-08.
- ↑ www.gesuri.id. "Mengulik Gaya Kepemimpinan Transformasional Ganjar Pranowo". https://www.gesuri.id/ (dalam bahasa Indonesia). Diakses tanggal 2026-05-08. Hapus pranala luar di parameter
|website=(bantuan) - ↑ Kompas, Tim Harian (2024-01-04). "Ganjar Pranowo, Memastikan Ekonomi Bergerak Cepat, Adil, dan Merata". Kompas.id (dalam bahasa Indonesia). Diakses tanggal 2026-05-08.
- ↑ 5,0 5,1 "Profil Ganjar Pranowo: Sosok yang Tak Mau Tercerabut dari Akar… - JEO Kompas.com". jeo.kompas.com (dalam bahasa Inggris). Diakses tanggal 2026-05-08.
- ↑ VIVA, PT VIVA MEDIA BARU- (2023-10-28). "Ganjar Pranowo Sebut Pemuda Harus Berani Mengguncang Dunia". jateng.viva.co.id (dalam bahasa Indonesia). Diakses tanggal 2026-05-08.
- ↑ "Pidato Lengkap Ganjar Pranowo Usai Diumumkan sebagai Capres PDI-P oleh Megawati". Kompas.com. 2023-04-21. Diakses tanggal 2026-05-08.