Fatimah Az-Zahra
Fatimah Az-Zahra atawa kita pinandui sidin sabagai anak ka-4 Nabi Muhammad SAW. Tanggal Lahir Fatimah ada balainan pendapat matan bubuhan urang alim diakuri lawan bubuhan urang alim Imamiyyah manyambat amun siidn diranak akan hari jumahat, 20 jumadil akhir.[1]
Sidin nitu binian nang paling mulia sadunia pas zamannya, sidin anak Rasul matan nikah lawan Khadijah binti Khuwailid. Sasuai kahandak Allah Fatimah diranak akan pas tahun kalima sabalum Nabi Muhammad jadi Rasul. Pas banar jua lawan kajadian ganal, haratan Nabi ditunjuk gasan manangahi suku-suku nang baabutan ulih bingung siapa nang baisi hak gasan mambulik akan pulang batu hajar aswad imbah ka'bah tuntung dibaiki. Ngaran laki sidin Ali bin Abi Thalib. Balum satahun nikah buhan sidin baisi anak ngarannya Hasan, imbahnya balum satahun Hasan baranak anak kadua ngarannya Husain. Pas tahun kalima Hijriah baranak pulang anak binian ngarannya Zainab, dua tahun imbahnya baranak pulang anak binian ngarannya Ummu kultsum.[2]
Papadah
[babak | babak asal-mulanya]- "Ui anakku, jiran badahalu daripada diri saurang” ujar Fatimah manggambarkan sidin urang nang labih mamikirakan urang lain daripada diri saurang.[3]
- “Tulaklah buhan ikam ka wadah abahku, sambat salam gasan sidin, lawan padahi sidin ‘kami kada manggawinya lagi, lawan ini kami julung lawan pian’” ujar Fatimah manyuruh anaknya manjulung dua buting galang pirak nang diambilnya matan barang urang bakalahi. manandai sidin urang nang kada cinta barang dunia.[3]
- “Abah, inya nitu laki paling baik. Tapi bubuhan binian Quraisy datang ka wadah ulun imbahnya bapadah ‘Rasulullah mangawin akan ikam lawan lakian kada baisi harta’” ujar Fatimah nang manarima Ali kada mamandang banyak atawa sadikitnya harta lakinya.[3]
- “Pamakaian binian paling bagus nitu iya rasa supannya”.[4]
- “Nang paling baik matan bubuhan ikam nitu adalah urang nang paling lambut pas bakawanan lawan nang paling mamuliakan bini-bininya”.[5]
- “Ali liwar ku cintai, binian nang paling baik nitu inya kada dilihati lawan kada malihati lakian lain”.[6]
Jujumputan
[babak | babak asal-mulanya]- ↑ Amini, Ibrahim (2008). Fatimah Az-Zahra: Wanita Teladan Sepanjang Masa. Kuwait: Al-Dasma. hlm. 19.
- ↑ Al-Istambulii, Mahmud Mahdi (2022). Wanita-Wanita Tangguh Di Sekitar Rasuullah. Jakarta: Elex Media Komputindo. hlm. 127–130. ISBN 978-623-00-3065-9.
- ↑ 3,0 3,1 3,2 Putri, Trisna Endar (2021). "Keteladanan Sayyidah Fatimah Az-Zahra Tentang Pendidikan Akhlak Bagi Muslimah" (PDF). Skripsi: 67–70.
- ↑ Astuti, Author: Liza (2024-11-16). "Keteladanan Sayyidah Fatimah Az-Zahra Tentang Pendidikan Akhlak Bagi Muslimah". sijunjung.kemenag.go.id (dalam bahasa Inggris). Diakses tanggal 2026-05-02.
- ↑ Al-Qummi, Abbas. Waqayi' Al-Ayyam. Nur- Al-Abshar. hlm. 295.
- ↑ "Yang Terbaik Bagi Perempuan Menurut Fatimah". inilah.com (dalam bahasa Indonesia). Diakses tanggal 2026-05-02.