Capil ka isi

Bill Gates

Tambah interwiki
Matan Wikipapadah
Bill Gates

William Henry Gates III (diranakakan 28 uktubir 1955) yaitu saurang tukoh bisnis, invistur, filantrupis, panulis asal Amirika Sarikat, sarta mantan CEO nang wahini manjabat sabagai katua Microsoft[1], parusahaan parangkat lunak nang didiriakan sidin baimbai lawan Paul Allen. Sidin duduk di paringkat tatap di antara urang-urang panyugiannya di dunia wan manampati paringkat partama matan tahun 1995 sampai 2009, kada tamasuk tahun 2008 pas sidin turun ka paringkat tiga.

Papadah

[babak | babak asal-mulanya]
  • "Amun sasuatu ngitu larang biayanya gasan diulah, wan urangnya kada dibayar, maka sasuatu ngitu kada pacang diulah urang. Jadi pian tanyai diri saurang: Pian handak software ngitu ditulis (dibuat), atawa kada?"[2]
  • "Amun urang-urang bahari paham kaya apa paten ngitu dibariakan pas kabanyakan ide jaman wahini diulah, wan bubuhannya maambil hak paten ngitu, maka industri kita pacang mandak samunyaan hari ngini. Jalan kaluarnya adalah lawan cara tukar-manukar paten lawan parusahaan-parusahaan ganal wan mamatenkan napa haja nang kita kawa sabanyak-banyaknya."[3]
  • "Ulun maatur memori supaya 640 K nang di bawah ngitu gasan RAM kagunaan umum, wan 384 nang di atasnya ulun simpan gasan video sarta ROM, wan hal-hal nang kaya ngitu. Ngitu pang alasannya kanapa urang bapandir soal batas 640 K. Sabujurnya ngitu adalah batas matan mikroprosesornya, lainan matan software-nya, biar dilihat matan sagi apa haja. Alat ngitu maulah alamat, alamat 20-bit, nang cuma kawa maatur sa-megabyte memori. Marga ngitu, sabarataan aplikasi taikat lawan batas ngitu. Ukuran ngitu sapuluh kali lipat labih ganal matan napa nang kita baisi sabalumnya. Tapi nang maulah ulun takajut, kita kahabisan ruang alamat gasan aplikasi ngitu dalam waktu—kira-kira lima atawa enam tahun urang-urang sudah mulai mangalu."[4]
  • "Kadada bug nang parah di dalam software nang kami rilis sampai maulah banyak urang handak mambaiki. Ulun mamadahakan bahua kami kada maulah versi hanyar cuma gasan mambaiki bug. Kada kaitu. Kadada gana cukup urang nang pacang manukarnya. Pian kawa mambawa saratus urang nang mamakai Microsoft Word. Telepon bubuhannya wan takuni, "Pian handaklah manukar versi hanyar marga bug?" Pian kada pacang mandapati saurang jua nang mamadahakan handak manukar versi hanyar marga bug. Kami kada pacang kawa manjual rilisan software amun alasannya cuma kaitu."[5]
  • "Napa nang kami padahakan lawan urang-urang adalah sabarataan ide soal kamudahan pamakaian kawa kami ulahakan di dalam software gasan PC, tanpa mamaksa bubuhannya manukar alat (hardware) nang hanyar, wan tanpa mamaksa bubuhannya mambuang aplikasi lawas nang sudah baisi."[6]
  • "Kawa haja, wan kita kada pacang suah tahu, amun sabujurnya alam samasta ngini ada cuma gasan ulun saurang haja. Amun dasar kaitu, musti ulun akui, nasib ulun rupa-rupanya lagi harat banar."[7]
  • Baubahnya musim, panyakit, wan kamiskinan tu am pakara nang ganal. Kita musti maurusinya babanding lawan penderitaan nang diulahnya.[8]
  • Kadada batas atasnya gasan saapa pintarnya AI kawa manjadi napa haja.[9]
  • Sabujurannya, balum suah ada labih banyak paluang gasan mambantu urang hidup labih wigas wan sanang.[10]

Pranala luar

[babak | babak asal-mulanya]
Wikipidia baisi tulisan insiklupidia hiwal:

Jujuhutan

[babak | babak asal-mulanya]
  1. ↑ adminwebs1if (2025-05-24). "Yuk Kenalan dengan Bill Gates". S1 Teknik Informatika | Universitas Telkom Purwokerto (dalam bahasa Indonesia). Diakses tanggal 2026-05-03. 
  2. ↑ dept, Roblimo from the dark-side-of-software-history (2000-01-21). "B. Gates Rants About Software Copyrights - in 1980 - Slashdot". features.slashdot.org (dalam bahasa Inggris). Diakses tanggal 2026-05-02. 
  3. ↑ "Challenges and Strategy". bralyn.net. Diakses tanggal 2026-05-02. 
  4. ↑ "Bill Gates Interview: Winner of the 1993 Price Waterhouse Leadership Award for Lifetime Achievement, Computerworld Smithsonian Awards". americanhistory.si.edu. Diakses tanggal 2026-05-02. 
  5. ↑ "FOCUS Magazine Interview with Bill Gates: Microsoft Code Has No Bugs". www.cantrip.org. Diakses tanggal 2026-05-02. 
  6. ↑ zarjesve (2012-06-22), bill gates 1996 interview / charlie rose, diakses tanggal 2026-05-02 
  7. ↑ "BILL GATES OS: COVER STORY". www.time.com. Diakses tanggal 2026-05-02. 
  8. ↑ "Bill Gates ubah fokus dari soal iklim ke penanganan kemiskinan dunia". idnfinancials.com (dalam bahasa Indonesia). 2025-10-29. Diakses tanggal 2026-05-03. 
  9. ↑ Bishop, Todd (2026-01-09). "Bill Gates says there's 'no upper limit' on AI, citing opportunity and risk". GeekWire (dalam bahasa Inggris). Diakses tanggal 2026-05-03. 
  10. ↑ Jr, Tom Huddleston; Cnbc • • (2025-05-13). "Bill Gates says the world will be better in 20 years: 'My optimism hasn't been shaken'". NBC Chicago (dalam bahasa Inggris). Diakses tanggal 2026-05-03. 
Dijumput matan "https://bjn.wikiquote.org/w/index.php?title=Bill_Gates&oldid=10574"