Bahlil Lahadalia

Bahlil Lahadalia, lalaki nang diranakakan di Banda, Maluku Tengah 7 Agustus 1976. Inya manjadi Mentro Energi wan Sumber Daya Mineral (ESDM) sakaligus Ketua Umum Partai Golkar. Dikatahui suah manjadi panjual wadai wan kondektor bis wayah masih remaja. Bahkan, inya saurang mangaku sempat manjadi sopir angkot wayah masih sakulah SMA. Inya manarusakan pendidikan ka paguruan tinggi wan barasama kawan-kawannya, Bahlil Lahadalia mandirikan tiga pausahaan nang banama PT Rifa Capital, PT Bersama Papua Unggul, wan PT Dwijati Sukses. Dari sini inya mulai takenal sebagai pangusaha jua.

Papadah

• Ulun kada suah bamimpi masuk di kantor ini (Kamentrian ESDM) sabanarnya. Ulun handak mamadahi pian sabaratan. Dahulu ulun masuk ka kantor ini, jangankan Dirjen, Direktur haja kada suah handak batamu lawan ulun. Ini bujur. Ulun batamunya lawan staf-staf di bawah haja.
• Sabanarnya, mangaritik kabijakan itu kada papa. Tapi mun sudah manyinggung pribadi, mangarah rasis, manurut ulun itu kada bagus.
• Mun tarkait arahan Presiden gasan manjaga marwah magara, maulah pakarjaan sebagai mentri, wan manjaga kadaulatan negara, ulun mamadahi lawan segala hormat, sajingkal pun ulun kada akan mundur.
• Kulit ulun itam, tubuh ulun kada tapi tinggi. lalu, apa kada bulih bagitu? Bagaimana dangsanak-sanak kita di Papua, Maluku, Kalimantan, Nusa Tenggara Timur? Indonesia kan satu kasatuan nang utuh.
• Mun sudah maminta maaf, jangan mamparpanjang lagi. Tapi jangan diulang pulang, kami maulah didikan nang baik gasan rakyat, bangsa, wan negara.
• Balum tantu urang ganteng itu cerdas pikirannya. Balum tantu urang nang kada sampurna tubuhnya itu jelek pikirannya.
• Nang kawa mambadakan kamuliaan urang, manusia di muka bumi, hanyalah inya lawan Tuhan. Kita kada bulih manilai malabihi batas kamampuan kita. Biar Allah haja nang akan maulah itu sabarataan.