Alvaro Morata

Alvaro Morata

Álvaro Borja Morata Martín ialah pamain sipak bal nang diranak akan di Spanyol, 23 Uktubir 1992. Alvaro Morata suah main di tim ganal kaya Real Madrid, Atletico Madrid, Chelsea, Juventus, wan wahini main gasan AC Milan.

Papadah

1. Ikam mulai marasa asa barat di awak, tagal kada tahu kanapa wan kaya apa. Batis ikam sakit, dada sasak, kada kawa bahinak, takutan guring kalu pina kada bangun lagi, aku takutan wan barataan. - Ujar Alvaro Morata mangisah akan gajala depresi.
2. Suah kapikiran aku handak pura-pura cidira sakira kada dikiyau ka Euro. Napa paidahnya main gasan Timnas Spanyol bila kamana-mana aku tulak wan kulawarga, pasti ada nang maulah kada nyaman, urang-urang banyak nang manyambati ikam.
3. Sabujurnya banyak haja urang Spanyol nang mandukung aku, tagal banyak jua nang kada handak aku di Timnas. Lamun aku ampih main di Timnas, buhannya nang manang.
4. Aku handak maangkat piala wan Atletico Madrid, tagal nitu kada sabanding wan kamungkinan aku depresi pulang. Kada nyaman sabujurnya aku bapandir kaya ini, tagal nitu sudah kaputusan nang paling nyaman nang kawa aku ambil.
5. Bila ikam marasai wayah-wayah nang barat, kada paduli gawian ikam napa, ikam siapa, ikam bakalahi wan urang nang ada di dalam awak ikam saurang, saban hari, saban malam.
6. Aku marasai wayah-wayah nang pahit banar, sampai-sampai kada sanggup manjarat tali sapatu. Wayah kawa manjarat tali sapatu, aku langsung handak bulik lantaran gulu-ku sasak banar, raum panjanak.