Alfred Riedl

Alfred Riedl ialah palatih sipak bal nang diranak akan di Austria, 2 Nupimbir 1949, wan habis umur tanggal 8 Nupimbir 2020. Alfred Riedl suah mambawa Timnas Indunisia tambus ka pinal Piala AFF 2010 wan 2016.

Papadah

1. Patakunan atawa wawancara di hutil sudah kada bulih lagi, parlu ijin husus tumatan palatih (Timnas Indunisia). Aku kada handak malihat banyak kamira di hutil. Aku kada handak pokus pamainku taganggu.
2. Patakunan buhan wartawan bulihnya imbah latihan haja. Bila tuntung latihan, pamain gasan buhan ikam (wartawan). Handak di sini kah (GBK), atawa di luar bis, kada papa, nang panting jangan mangganggu pamain Timnas sampai ka pa'inapan.
3. Palatihan nasiunal nang kadua digawi wayah bulan puasa, jadi kami kada kawa latihan bujur-bujur. Tanaga pamain pinanya 60 sampai 70 parsin haja, bahaya banar bila mambari latihan nang barat bila bulan puasa, nitu nang mangalihi aku.
4. Ada banyak ihwal nang musti diubah dalam sipak bal Indunisia. Banyaki tanding nang akur. Aku rancak malihat kalakuan nang kada baik tumatan pamain, bahanu mamukul wasit, manyipak wasit, mahir banar urang sini. Bila kaitu tarus, Indunisia kada harapan baisi masa dapan nang baik.
5. Sawagai palatih, aku handak maubah wan malajari inya (Boaz Solossa). Tagal kadada saikung-ikung palatih nang kawa maubah inya tu, lantaran pamain nang bagus kawa bakalakuan sakahandak inya.
6. Lionel Messi haja inya main bagus lantaran umpat latihan. Bila Messi pina mahual pas latihan, tatap dikaluar akan. Pamain nang kada kawa manampai akan pamainan nang bagus wan kada disiplin ya baiknya dikaluar akan.