Alexander Ebert
Alexander Ebert (diranakakan 12 Mei 1978) adalah saurang panyanyi, panulis lagu, wan kumpusir asal Amerika Serikat nang dipinandui jadi panyanyi utama bin Ima Robot wan Edward Sharpe and the Magnetic Zeros. Sidin ganal di lingkungan kalas manangah ka atas tagal baisi jiwa pamberontak banar matan halus, sampai rancak kana masalah marga katuju manggambar curit-curit tawing wan bapara-para nangkaya pariman. Karier musik sidin mancapai puncak kamilauan wayah sidin mamanangakan piala Golden Globe sagan Best Original Score dalam pilim All Is Lost (2013). Alex dikanal musisi nang jujur sual parjalanan hidupnya, tamasuk nangkapa sidin bajuang malawan kataricauan (kacanduan) ubat-ubatan wan nangkapa sidin mancari jati diri liwat musik nang labih baik.[1]
Papadah
[babak | babak asal-mulanya]- Sabujurnya nitu kabalikannya. Ulun mamadahakan kisah nang bujur ka saurang panulis surat kabar, tagal sidin kada handak mandangarakan nitu.[2]
- Rasa ulun sidin bapikir kesahnya kaina labih bagus amun pas ulun sudah ampih hanyar ulun manulis lagu-lagu nini.[2]
- Nitu dasar banar-banar badasarakan rasa takutan. 'Amun ikam manggawi sabuting hal nini, tuntung sudah. Ikam tamat.' [2]
- Dasar rasa takutan banar sampai ulun kada kawa lagi hidup nangkaitu, atawa ulun kada handak.[2]
- Amun pian baada di wadah nang pas, nitu kawa haja tajadi. Ulun baisi apartamin halus di sana, pas di higa biuskup, wan ulun mamajang buku catatan lawan pulpin di luar supaya urang kawa singgah wan manulis pasan sagan ulun.[2]
- Ulun cuma tahu amun nitu dasar 'barang harat'. 'Napa jua nitu, ulun tahu nitu pasti sasuatu nang malawan.' [2]
- Ulun nini urang nang malawan banar wayah masih halus kakanakan. Ulun tarus-tarusan kana masalah.[2]
- Ulun bapikir tinggi banar sagan diri ulun saurang, ulun baharap banyak hal matan diri ulun, jadi pas ulun tajabak banar dalam ubat-ubatan wan mambuang banyak waktu ulun, nitu maulah ulun kaciwa banar wan marasa kalah banar.[2]