Aisyah binti Abu Bakar

Aisyah adalah urang nang paling dicintai ulih hati Nabi Muhammad Saw., imbah abahnya. Sidin nang managuk banyu kajujuran dari kadua urang tuhanya, wan makan di jamuan makanan nubuwwah. Sidin wanita suci lagi disucikan nang di bibaskan Allah dari tuduhan kaji nang diatur hagan sidin matan langit katujuh. Sidinlah wanita nang bartakwa, suci, wara wan zuhud.

Papadahan

• Waktu aku sudah aqil balig, kadua kuitanku sudah mamaluk agama islam.
• Aku malihat Nabi Saw. manutupi aku dalam baju sidin, samantara aku malihat buhannya bamainan di Masigit sampai akupun jadi busan. Maraga dintu lah, Haragai kakanakan binian nang masih halus, nang katuju bamainan.
• Aku baisi tujuh sifat nang kadada binian baisi salain aku, salain napa nang dibarikan Allah ka Maryam binti Imran. Aku mangatakan ini kada hagan bahaharatan lawan kakawalanku (Bini-bini Nabi Muhammad Saw.). Abdulah bin Shafwan batakun, "NApa haja, Wahai Ummul Mukminin?"Aisyah manjawab,'(1) Malaikat Jibril datang mambawa gambarku ka Rasulalah Saw. (2) Rasulullah Saw. mangawiniku waktu umur tujuh tahun, tapi disarahakan ka sidin waktu baumur sambilan tahun., (3)Sidin mangawiniku dalam kaadaanku Bujang masih, Sidin kada suah baisi bini bujang salain aku.,(4) Ada wayah wahyu turun ka Sidin waktu aku lawan sidin sasalimut. (5)Aku adalah saikunganya urang nang paling dicintai, sajumlah ayat-ayat Al-Qur'an jua ada tantang aku didalamnya sampai umat kaya tabiasa karananya.(6) Aku suah malihat ibril wan kadada saikung bini sidin nang suah malihatnya salain aku. (7) Nabi meninggal dunia di rumahku, kadada saikungpun yang ada di parak sidin salain aku wan malaikat maut.

• Kaluarga Muhammad kada suah kanyang dari makanan gamdum selama tiga malam baturut-turut sajak sidin sudah di Madinah sampai sidin maninggal.
• Riwayat Muslim: Dari Hadits Aisyah r.a, Ia baucap," Ada binian miskin datang sambil mambawa 2 anak babiniannya. Aku mambarinya 3 Buah Kurma. Imbah tu Inya mambari sauting Kurma ka kadua anaknya nang binian tadi, Imbah tu binian miskin tadi handak mamakan dah Kurmanya, sakalinya dua anaknya tadi mainta pulang. imbah tu dibalahnya 2 hagan kakanakan badua tadi." Ingintu maulah sidin kagum lalu dipadahkan sidin ka Rasululah Saw. Rasul imbah tu manjawab, 'Bujur, sabab inya kayaitu maka Allah mawajibakan surga gasan inya wan sabab itu jua Allah mambibaskan inya dari naraka'.

• Waktu Aisyah di fitnah. Sidin kada mambela diri sidin, Allah nang mambariakan pambelan ka sidin, Sabab Sidin marandahakan hati karana Allah dengan baucap," Kadudukanku talalu hina bila Allah manurunakan wahyu tantang parsualanku," Allah berfirman takait pambibasan gasan sidin dari tuduhan kaji matan atas tujuh langit,"Siapa nang marandahakan hati gasan allah, Allah akan maangkat darajatnya."