Ahmad Wafi Maimoen
KH. Ahmad Wafi Maimoen (ranak 15 Marit 1977) atawa nang rancak dikiau urang Gus Wafi, yaitu saikung ulama matan Indunisia. Sidin ni saikung anak matan KH. Maimoen Zubair (Mbah Moen) nang jadi pangasuh Pondok Pesantren Al Anwar Sarang, Rembang. Sidin jua nang mahasuh Pondok Pesantren Ribath Nurul Anwar di Banaran, Sambungmacan, Sragen.[1][2]
Papadah
[babak | babak asal-mulanya]- Kawa dikataakan, salah satu cara gasan jadi urang baik tu musti mamilih kawan wan sahabat, wan jua majlis bakumpulan. Kada saikit urang tu jadi baik marga rancak banar batamuan lawan urang nang baik kalakuannya, nangkita jua sabaliknya..[3]
- Gasan maulah parangai nang baik, tantu musti tatap bakumpulan lawan urang shaleh, lain bakumpulan lawan urang nang thaleh. Urang shaleh tu kawa mambari cahaya gasan lingkungannya, tagal amun bakumpulan lawan urang thaleh malah mambari kagelapan.[3]
- Tugas saikung dai tu mangajak wan manasihati urang nang jauh matan Allah SWT. Wan jangan sampai nang maajak malah tarumus katularan maksiat matan urang nang dimurkai Allah. Hal nang kaya ngitu kawa tajadi marga lingkungan nang kada baik. Jaga banar lingkungan pandidikan anak matan urang nang handak manjauhkan matan Allah. Usahakan banar anak dididik di lingkungan pasantren basamaan lawan urang shaleh.
- Kita ni musti kawa mancontoh buhan asabiqul muqorobin, urang bahari nang parak banar lawan Allah SWT. Adanya haul ngini supaya kita nang hidup wayah ini kawa mahatiakan wan manuruti nangkaya apa kahidupan urang bahari nang baisi hubungan baik lawan Allah wan sasama manusia. Ngini penting banar, karana kahbaikan saikung urang kada cuma dilihat matan pandangan sasama manusia haja, tagal jua di hadapan Allah SWT. Kita ni kadang malihat urang tu baik banar wan sasama manusia, tagal ibadahnya kada tapi dijagainya.[4]
- Marga nintu kita sabarataan musti kawa balajar lawan buhan asabiqul muqorobin, urang bahari nang baisi kahidupan baik di hadapan Allah SWT wan jua basikap baik lawan sasama manusia. Mamalihara hubungan lawan Allah SWT lewat ibadah wan mamalihara hubungan sasama manusia kawa digawi lewat kagiatan sosial kamasyarakatan.[4]
- Kadatangan Habib Rizieq Syihab pas ngitu memang atas pamintaan kaluarga Mbah Moen, yakni Gus Najih. Sidin jua diminta jadi imam sholat wan doa di pamakaman Mbah Moen. Takziyah ngitu hal nang baik, rasa kamanusiaan, jadi saharusnya kada parlu diributkan.[5]
Jujuhutan
[babak | babak asal-mulanya]- ↑ Media, Al-Anwar (2008-10-24). "KH. Ahmad Wafi Maimoen (Putra Ketujuh)". Pondok Pesantren Al-Anwar (dalam bahasa Indonesia). Diakses tanggal 2026-05-04.
- ↑ "Mengenal Sosok Gus Wafi, Pengasuh Ponpes Ribath Nurul Anwar di Banaran Sambungmacan Sragen - PojokPublik" (dalam bahasa Indonesia). 2024-06-10. Diakses tanggal 2026-05-04.
- ↑ 3,0 3,1 "KH M Wafi Maimoen Zubair Ingatkan Selektif Memilih Teman". NU Online (dalam bahasa Indonesia). Diakses tanggal 2026-05-04.
- ↑ 4,0 4,1 A, Ali. "Ini Pesan Gus Wafi pada Haul Ke 10 Al Maghfurlah KH M Wahib Nyatnyono Ungaran". Portal Pekalongan (dalam bahasa Indonesia). Diakses tanggal 2026-05-04.
- ↑ "Klarifikasi Gus Wafi: Kami Keluarga Mbah Maimoen Yang Minta HRS Pimpin Doa Dan Imami Sholat Jenazah Di Pemakaman" (dalam bahasa Indonesia). 2019-08-09. Diakses tanggal 2026-05-04.