Ahmad Dahlan

KH. Ahmad Dahlan

KH Ahmad Dahlan (nama lahir Muhammad Darwis; 1868–1923) adalah saurang ulama, pahlawan nasional Indonesia, wan jua pangadeg organisasi Muhammadiyah pada 18 November 1912 di Yogyakarta. Sidin adalah anak kaampat dari tujuh basaudara, putera dari kulawarga K.H. Abu Bakar. KH Abu Bakar itu saurang ulama wan khatib nang taraknal di Masjid Besar Kasultanan Yogyakarta. Indunya adalah anak dari H. Ibrahim, nang jua manjabat sabagai panghulu di Kasultanan Ngayogyakarta Hadiningrat.

Papadah

1. Hati-hati pian barataan dalam mamakai waktu salama hidup pian.
2. Jangan sampai kita tarus lalai dalam kahidupan di dunia, supaya kada mambawa kasangsaraan di dunia wan jua di akhirat.
3. Kada usah kacil hati lamun kada dapat kasampatan babicara dalam sabuah persidangan, karna nang penting itu lain babicara, tapi babuat wan bakarja. Karna itu, sabarataan warga Muhammadiyah harus babuat sabisa wan samampu mungkin.
4. Hidupkan Muhammadiyah, jangan malah mancari panghidupan di Muhammadiyah.
5. Barkurbanlah lawan ikhlas wan hati nang suci, baik harta ataupun tanaga.
6. Urang nang tasangkut perkara hukum takut dihukum, tapi urang mukmin labih takut lawan bahaya nang mengancam di akhirat.
7. Sabaiknya pian kada gampang talibat dalam masalah rebutan tanah sampai batangkar wan basalisih, apalagi sampai ka pangadilan. Lamun itu dilakukan, bisa-bisa Allah manjauhakan pian dari rizki.
8. Sabaiknya tiap urang mambalanjakan harta wan kakayaannya gasan kapantingan umat, sabalum kehilangan kuasa atas harta itu.
9. Mangingat kaadaan badan ulun, kayanya kada lama lagi ulun akan maninggalakan anak-anak ulun, sadangkan ulun kada punya harta benda nang kawa ditinggalakan gasan pian. Ulun hanya punya Muhammadiyah nang akan diwariskan ka pian barataan. Karna itu, ulun titipkan Muhammadiyah ini lawan harapan pian barataan mau manjaga wan marawatnya lawan sabujur-bujurnya hati, supaya Muhammadiyah bisa tarus berkembang salamanya.
10. Kabakanyakan pamimpin rakyat, balum barani barkurban harta wan jiwanya gasan mambawa umat ka jalan kabanaran. Malah kadang pamimpin itu hanya mamanfaatkan wan mampermainkan urang nang awam wan lemah.
11. Jangan suka manyalahakan atawa manilai urang lain, tapi pariksalah dulu diri pian sorang, apakah sudah barada di jalan nang banar.
12. Kabanaran itu kada ditentukan ulih banyaknya urang nang percaya, tapi memang karna itu banar.
13. Kasih sayang wan toleransi adalah ciri khas urang Islam.
14. Warisan paling basar dari saurang ayah itu adalah bisa manjadiakan kulawarganya sabagai teladan.
15. Urang Islam nang sabujurnya itu adalah nang tetap badiri di jalan nang banar, walaupun dunia lagi kacau.