Ahmad Bahauddin Nursalim
Ahmad Bahauddin Nursalim, atawa nang rancak disambat Gus Baha (lahir 29 September 1970), adalah ulama Indunisia nang baasal matan Rembang, Jawa Tangah. Sidin nang mangasuh Pondok Pesantren Tahfidzul Qur'an LP3IA di Narukan, Rembang, wan murid matan KH. Maimun Zubair.[1]
Papadah
[babak | babak asal-mulanya]- Wahai cucu-cicit ulun, ulun balajar banyak lain gasan jadi urang alim. Tapi gasan paham luasnya rahmat Allah, supaya ulun kawa mahormat sabarataan umat Kanjeng Nabi.[2]
- Kebayang ai amun di zaman wahini, bubuhan buruh kasar atawa urang nang gawiannya taikat banar lawan waktu kaya satpam wan supir, tantu taberat banar amun dibebani salat sunat nang kaya nintu. Bisa-bisa jadi masalah jadinya.[2]
- Banyak ai bubuhan wali nang katuju main bal, malah ada nang bamanari jua. Jadi wali tuh lain gasan urang nang khusyuk haja. Amun main bal diharamakan, wan banyak hal lain jua umpat diharamakan, nang rugi nintu Kanjeng Nabi. Umat sidin kaina taberat banar handak manggawian wan mamaluk agama Islam.[2]
- Kanjeng Nabi nintu sarik banar amun kabaikan malah maulah masalah.[3]
- Marga ada hal nang kada kawa tuntung amun kita kalah, musti lewat jalan manang. Amun sudah manang di ekonomi, kaina hanyar kawa maulah aturan.[4]
- Kadang tuh sikap tawadu wan hidup miskin kada kawa manyalasaiakan masalah jua. Misal abah-mama atawa kaluwarga garing, tantu paralu biaya gasan baubat. Mana kawa tuntung lawan bapadah tarima kasih haja?.[4]
- Manang tuh baik, tagal jangan mamaksa sampai jadi tiruris. Mustinya bubuhan anum Islam nih manang di bidang ikunumi wan pulitik. Wali Songo sudah mambari cuntuh kaya apa caranya manang nang lanyap wan lumbut, tagal pas banar kana sasaran.[4]
- Mun ada urang nang salat qabliyah wan ba'diyah di masjid, ditegur sidin (Nabi). Kanapa garang? Jangan maulah rumah ikam nintu kaya kuburan, musti baisi jatah salat jua di rumah.[5]
Jujuhutan
[babak | babak asal-mulanya]- ↑ detikcom, Tim. "Profil Gus Baha, Kiai Muda yang Muncul di Survei Ketum PBNU". detiknews (dalam bahasa Indonesia). Diakses tanggal 2026-05-02.
- ↑ 2,0 2,1 2,2 Riadi (2019-09-08). "Menjadi Awam Ternyata Penting, Tausiyah Gus Baha'". www.ngopibareng.id (dalam bahasa Indonesia). Diakses tanggal 2026-05-02.
- ↑ "Pesan Gus Baha: Sampaikan Ajaran Agama dengan Suka Cita". NU Online (dalam bahasa Indonesia). Diakses tanggal 2026-05-02.
- ↑ 4,0 4,1 4,2 AswajaNews, Admin (2024-01-08). "Kata Gus Baha Tentang Politik dan Kemenangan". AswajaNews (dalam bahasa Indonesia). Diakses tanggal 2026-05-02.
- ↑ "Gus Baha Ingatkan Pesan Nabi Agar Rumah Tak Seperti Kuburan". dakwah by Mozaik Islam (dalam bahasa Indonesia). Diakses tanggal 2026-05-02.