Afrizal Malna

Afrizal Malna ialah saurang panyair, panulis drama, wan panulis kisah handap wan jua isai matan Indonesia. Karya-karya sidin nang sudah ditarjamahakan ka basa Inggris di antaranya Document Shredding Museum tarjamahan Daniel Owen (2024) wan Morning Slanting to the Right tarjamahan Jorgen Doyle, Hannah Ekin, wan Andy Fuller (2021). Unggunan puisi sidin bajudul Teman-Temanku dari Atap Bahasa (2008) dipilih sabagai karya sastra nang paling baik tahun 2009 ulih majalah habar Tempo. Lain pada puisi, sidin jua menulis prusa, di antaranya Lubang dari Separuh Langit (2004) wan Seperti Sebuah Novel yang Malas Mengisahkan Manusia: Kumpulan Prosa (2003). Sidin sudah mandapat banyakpanghargaan nasiunal wan internasiunal, tamasuk Panghargaan Khatulistiwa tahun 2013 gasan unggunan puisi paling baik. Sidin jua suah tampil di macam-macam festival puisi di Asia wan Eropa.

Papadah

• Ada kabiasaan damit nang maulah aku mulai baurusan wan dunia manulis pas masa bujangan. Yaitu mangirim ucapan gasan kawan-kawan ka radiu wan majalah dinding di sakulahan. Kabiasaan ngitu akhirnya maulah aku jadi rakat wan talu hal: manulis, Basa Indunisia, wan sastra.
• Aku lain urang nang ahli di bidang ngini, tapi pamula. Wan asa-asanya tatap jadi pamula salawasan.
• Aku kada tahu napa ngitu puisi. Maraga ngitu, kada mungkin aku mangirim puisi-puisi nang kutulis ka media cetak, sabalum aku paham napa ngitu arti puisi.
• Ulun sudah maliwati talu sajarah gasan manulis: manulis di atas kartas imbah tu dialih ka masin tik; manulis wan kumputer; wan manulis lawan banyak aplikasi nang disadiaakan bamacam software.
• Ada babarapa tahapan nang aku pakai gasan manantuakan puisi, suah sampai talu bulan atawa satahun, hanyar puisi ngitu aku anggap tuntung atawa kada barhasil.
• Urang kawa haja dulak manulis, kawa haja lapah, kawa haja pusang, kawa haja malawan asa kada handak manulis. Tagal mun manulis ngini sudah jadi bagian penting matan kahidupan ikunimi inya, nah ngini pacangan jadi cilaka.