Aditya Halindra Faridzky
Aditya Halindra Faridzky (ranak 15 April 1992) adalah Bupati Tuban nang baparang dadi bupati dua talu, matan 2021–2025 sampai periode 2025–2030. Pas periode panambayan, sidin dilantik ulih Gubernur Jawa Timur, Khofifah Indar Parawansa pas tanggal 20 Juni 2021 di Gedung Negara Grahadi, Surabaya. Pas periode kadua, sidin dilantik langsung ulih Parisidin Prabowo Subianto pas tanggal 20 Februari 2025 di Istana Negara, Jakarta..[1][2][3]
Papadah
[babak | babak asal-mulanya]- Wayah ini kita kada lagi bajuang mambawa paring runcing, tapi bajuang mamingkut pampikiran, kaharatan (inovasi), sarta sa'ijaan (kolaborasi). Bubuhan pamuda Indonesia, tamasuk di Tuban, musti tampil dadi masin panggarak parubahan sagan banua.[4]
- Samangat baimbaian wan rasa sapa'iya sakata nang bahari manyalakan api kabangkitan nasional, wayah ini musti kita hidupakan pulang dalam rupa gagawean nyata, baik liwat urang ba'usaha, garakan urang banyak, urusan sakulahan, atawa rasa paduli bujur-bujur lawan alam sakuliling kita.[4]
- Bangsa ni mamarlu'akan labih banyak kakanakan anum nang lain sakadar rami bapadah-padah di mudia susial haja, tapi aktif jua ma'ulah jalan kaluar. Matan kampung, matan pakumpulan, matan kampus, wan matan ruang-ruang halus nang rancak kada ditihi urang.[4]
- Bangkit baimbai tu hakekatnya kadada nang ditinggalakan di balakang. Wan kuta tu maksudnya kita musti sapa'iya manyukung sa'imbai. Ngintu samangat nang tatarusan kami bawa di Tuban. Samangat baimbaian, bagawi nyata, wan kada baisi rasa uyuh sagan mancintai banua Indonesia.[4]
- Wayah paringatan hari jadi naya, ulun baparap banar kawa manjadiakan panguat janji bati sagan ma'ulah Kabupaten Tuban nang makmur, adil, tatap mamingkut saba'ulurnya adat bahari, baisi kawanian masaing nang harat, sarta batiti lawan ka'ada'an alam sakuliling kita. Sagan manggawi kahandak nang ganal banar ngintu, kita musti sapa'iya sakata bagawi baimbaian, manyatu'akan samunyaan tanaga wan akal pampikiran, sarta mambangun kakuatan nang pacangan ma'ulah kaharatan-kaharatan ganal wan karya nang saba'ulurnya sagan banua.[5]
- Parjuangan bubuhan urang bahari tu larang bati banar haraganya amun kita isi lawan sikap sanyap bati (antipati), sapa'iya mahuhulut, ruyuh bati, kada paduli lawan sakuliling, wan rasa randah diri. Urang hidup musti baisi kahandak, karana paradaban lahir gara-gara adanya kahandak, kaya ujar Sunan Kalijaga 'urip iku urup'. Hidup tu musti manyala, mambari'i cahaya, mambari'i tarang sahaganya nang kita kawa sagan urang banyak.[5]
Jujuhutan
[babak | babak asal-mulanya]- ↑ "Resmi Dilantik Jadi Bupati Tuban, Aditya Halindra Siap Kerja Cepat, Tepat, dan Dekat Masyarakat". Surya.co.id (dalam bahasa Indonesia). Diakses tanggal 2026-05-08.
- ↑ "Presiden RI Resmi Lantik Bupati dan Wabup Tuban | Situs Resmi Pemerintah Kabupaten Tuban". tubankab.go.id. Diakses tanggal 2026-05-08.
- ↑ "Profil dan Kekayaan Bupati Tuban Aditya Halindra, Masih Muda dan Lajang, Hartanya Rp 12,4 M". Surya.co.id (dalam bahasa Indonesia). Diakses tanggal 2026-05-08.
- ↑ 4,0 4,1 4,2 4,3 "Bupati Tuban : Saatnya Pemuda Jadi Penggerak Kebangkitan Bangsa | Situs Resmi Pemerintah Kabupaten Tuban". www.tubankab.go.id. Diakses tanggal 2026-05-08.
- ↑ 5,0 5,1 Fadillah, Diah Ayu (2023-11-12). "Hari Jadi Tuban, Begini Pesan Bupati Lindra pada Masyarakat | beritajatim.com" (dalam bahasa Indonesia). Diakses tanggal 2026-05-08.