Ade Kuswara Kunang

Ade Kuswara Kunang

Ade Kuswara Kunang (ranak 15 Agustus 1993) adalah sa'ikung urang pulitik matan Partai Demokrasi Indunisia Perjuangan nang wayah ini manjabat dadi Bupati Bekasi gasan masa jabatan 2025–2030. Sidin bamula bagawi matan 20 Februari 2025 limbah dila'ati (dilantik) langsung ulih Parisidin Prabowo Subianto di Istana Negara, Jakarta.

Papadah

1. Maksudnya tu, di Kabupaten Bekasi naya lain sakadar saratus hari bagawi haja, limbah ngintu ada pulang saribu hari bagawi, malahan saba'ulurnya kawa sampai sapuluh ribu hari bagawi sapa'iya habis masa jabatan kaina.
2. Limbah sudah kita ba'asihi sarta kita rapikan bangunan ngintu, pacangan kita gunakan sagan wadah nang taba'iduh atawa sagan ma'angkat darajat bubuhan urang ba'usaha halus (UMKM) di Kabupaten Bekasi. Amun kita rapikan dua ribu atawa tiga ribu bangunan nang kada baisi ijin, maman ada urang nang kahilangan wadah bacari atawa wadah kadiaman, tapi manfaatnya ganal banar sagan bajuta-juta urang banua di Kabupaten Bekasi.
3. Amun kita batahan di kantor haja, kita pacangan kada pati jalas wayah manangani parukara nang ada di bawah. Tapi amun kita turun langsung manyingjaki, kita kawa mambagusi parukara ngintu saba'ulurnya pas banar bati lawan ka'ada'an nang kanyataan.
4. Bubuhannya tu lain sakadar mamardika'akan nagara naya matan panjajah haja, tapi malata'akan jua pamingkut sagan Indonesia supaya tumbuh manjadi bangsa nang baisi haraga diri wan kakuasaan sa'urang.
5. Sagan manjaga pambangunan tatap bajalan tatarusan wan manguatakan kedudukan Indonesia di tangah pargaulan dunia, kita musti mamaraki lagi samangat sapa'iya sakata.
6. Dadi salah sa'uting pusat partumbuhan ikunumi nasional wan wilayah nang panting sagan tatarusan maju, kita disuruh lain sakadar mambangun rupa fisik haja, tapi mambangun jua aturan mangalula nang sihat, palayanan gasan urang banyak nang hancap manyahuti, sarta kahidupan urang banua nang saba'ulurnya ba'adilan.