Adania Shibli

Adania Shibli (1974, Palestina) ngitu sa-ikung panulis novel wan tulisan naratip. Karya sidin nang paling tarkanal judulnya Minor Detail, nang ditarjamahakan ulih Elisabeth Jaquette. Buku ngitu masuk daftar pendek Penghargaan Buku Nasional gasan Sastra Terjemahan tahun 2020. Tulisan sidin sudah ditarjamahakan ka banyak bahasa, nang panyanyarnya ka bahasa Jerman. Sidin harat banar manggabungakan dua kisah nang sama panjangnya gasan mambangun suasana masa wayah ini nang salalu dihantui ulih kanyataan masa lalu.

Papadahan

1. Di Palestina, hal-hal nang kada jalas nang kita tamui tu rancak manjadi satu-satunya hal nang kawa dirasaakan. Kaya apa kita kawa maubah hal ngitu matan kakuatan nang marusak manjadi cara hidup nang parak (intim) di dunia, biar gin tanpa mambawa pangatahuan wan tanpa kalangkapan sama sakali?.
2. Mungkin takdang ulun marasa supan handak maakui wadah di dalam bahasa—nang padahal samunyaan urang baisi hak nang sama. Saban kali kita mangucap atawa manulis sabuting kata, kita ngitu maakui bahasa, tagal ulun rancak takutan amun ulun ni talalu banyak mambajak bahasa lewat tulisan fiksi. Wayah ini, pas naskah novel parak sudah sampai ka panarbit ulun di Beirut, Dar Al Adab, rasa supan tadi baubah manjadi rasa manyasal wan marasa kasingangan (terasing).
3. Ulun mungkin tasasat di sasalat pusingan alam nang maulah hati ulun hibak lawan rasa kasingangan nang dalam banar, malihat barataan parubahan nang sudah tajadi di sana. Sudah lawas banar ulun kaddaa lalu disini, wan ka mana haja ulun mamandang, barataan parubahan ngitu tarus-menerus manikinakan amun hal-hal nang babau Palestina tu sudah kadada lagi.
4. Biar gin Minor Detail awalnya nangkaya mambari janji handak mangisahakan sejarah tandingan atawa misteri pambunuhan—handak manyalamatakan kisah korban matan pangadilan militer wan surat kabar Israel—tagal nyatanya novel ni manjadi sasuatu nang labih anih wan supan (suram). Lain manamukan kanyataan nang tasungkuy (tersembunyi), atawa mancari kaadilan, novel ni malah manjadi wadah barinu (merenung) pasal paristiwa sejarah nang baugulang, masa lalu nang manjadi luka (trauma) nang tatarusan ada.... Gasan Shibli, pangalaman hidup di bawah jajahan nang paling kiyat lambangnya ngitu adalah rasa jenuh (kebosanan) wan rasa taisulir nang lawas banar, lain pas masa krisis nang dramatis.