Achmad Zaky
Achmad Zaky diranak akan di Sragen, Jawa Tengah, tanggal 24 Agustus 1986. Bakat sidin di dunia informatika nang mambawa sidin sampai ka titik nangkaya wayahini sudah bamula matan sidin masih halus. Katuju sidin lawan komputer malah sudah ada pas sidin masih sakulah dasar. Amang sidin baisi andil gasan mangenalakan kumputer, wadah sidin rancak mambarii buku-buku pasal kumputer lawan Achmad Zaky.
Pas tahun 1997 sidin sudah bamula mangenal pamanrugraman kumputer matan macam-macam buku nang jadi kawan sidin. Kapintaran Achmad Zaky kada kawa dibantah. Sidin tumbuh jadi urang nang baisi utak harat. Waktu sakulah di SMAN 1 Solo, sidin jadi wakil sakulah nang dapat kasampatan gasan umpat ajang Olimpiade Sains Nasional (OSN) di hagian komputer tarus jadi juara sampai tingkat nasiunal. Kapintaran sidin mambawa sidin kawa ditarima di kampus nang rami di Indunisia tu Institut Teknologi Bandung pas tahun 2004. Sidin maambil jurusan Teknik Informatika tarus baisi riwayat akademik nang luar biasa lawan hasil IP 4.00 di simistir satu.
Marga handak mambangun usaha nang kawa mambarii manpaat gasan urang banyak, sidin maulah situs nang dikanal lawan ngaran Bukalapak di tahun 2010. Bukalapak ngintu situs balanja online nang kawa diungkai kada babayar lawan dipakai gasan manamui akan urang bajualan lawan urang manukar. Niat maulah Bukalapak ngintu mulia banar, yaitu gasan mamajuakan lawan mangambangakan usaha kakanak UKM di Indunisia lewat unlin.[1]
Papadah
[babak | babak asal-mulanya]- "Ulun bapadah sacara kebanyakan di Asia Tanggara, kita parlu pandiri nang harat. Amun ikam malihat Israel lawan Swedia, pandiri per kapita gin tinggi banar."[2]
- "Ulun ni cuma kakanak Sragen kampung nang ditarima di ITB. Pamulaannya rasa supan, isinya urang kuta barataan, mamakai bahasa Indunisia, lawan kalihatan pintar. Tagal ulun malah bahimat. Handak rasanya manaiukakan ITB!"[3]
- "Tabantur, tabantur, tabantur, taulah."[4]
- "Ulun parcaya Bukalapak ngintu wadah ulun kawa mambarii andil sasar ganal lagi gasan Indunisia."[5]
- "Bangun-bangun rami tweet ulun marga 'prisidin hanyar' maksudnya siapa haja, kawa Pak Jokowi jua. Jangan dipilintir lah."[6]
- "Ulun manyasal lawan kahilapan nang kada bijaksana ngintu, mudahan dibukaakan lawang maap nang saganai-ganalnya."[7]
- "Gasan ulun lawan kami di Bukalapak, status unicorn cuma panyambat haja. Nang paling panting ngintu nangkaya apa kita bakarya tarus."[8]
Jujuhutan
[babak | babak asal-mulanya]- ↑ Nurdyansa (2020-09-29). "Biografi Achmad Zaky, Kisah From 'Zero to Hero' dari Pendiri Bukalapak". BiografiKu.com | Profil dan Biografi Tokoh Terkenal (dalam bahasa Indonesia).
- ↑ "Achmad Zaky: Indonesia Kekurangan Founder Startup". kumparan (dalam bahasa Indonesia). Diakses tanggal 2026-05-08.
- ↑ "CEO Bukalapak: Kesuksesan Bukan Milik Mereka yang Sibuk Pacaran Saja. Di Masa Muda, Kamu Harus Mencoba Semua!" (dalam bahasa Indonesia). 2015-11-04. Diakses tanggal 2026-05-08.
- ↑ "Pidato Achmad Zaky, Alumni STEI-ITB di OSKM Talks 2017 – STEI" (dalam bahasa Inggris). Diakses tanggal 2026-05-08.
- ↑ Damaledo, Yandri Daniel. "Achmad Zaky Tinggalkan Kursi CEO Bukalapak". tirto.id (dalam bahasa Indonesia). Diakses tanggal 2026-05-08.
- ↑ "CEO Bukalapak Minta Maaf ke Pendukung Jokowi soal Cuitan Presiden Baru". suara.com (dalam bahasa Indonesia). Diakses tanggal 2026-05-08.
- ↑ "Achmad Zaky Minta Maaf: Saya Menyesali Kekhilafan yang Tidak Bijaksana". kumparan (dalam bahasa Indonesia). Diakses tanggal 2026-05-08.
- ↑ Kompas, Tim Harian (2018-10-27). "Jangan Baper Melihat Data, Berinovasilah". Kompas.id (dalam bahasa Indonesia). Diakses tanggal 2026-05-08.