Achmad Fauzi Wongsojudo
Achmad Fauzi Wongsojudo (ranak 21 Mei 1979) adalah sa'ikung urang pulitik matan Partai Demokrasi Indunisia Perjuangan nang baparang dadi Bupati Sumenep dua talu, matan 2021–2025 sampai 2025–2030. Sidin manjabat pulang di periode kadua matan 20 Februari 2025 imbah dilantik Parisidin Prabowo Subianto di Istana Negara, Jakarta. Sabalumnya, sidin suah dadi Wakil Bupati Sumenep masa jabatan 2016–2021.[1][2][3]
Papadah
[babak | babak asal-mulanya]- Ulun dapat habar baimbai lawan buktinya amun ada oknum duktur PPPK di Puskesmas nang malanggar aturan wan adat bagawi. Amun bujur tabukti wan buktinya kuta, hukumannya nang paling barat tu kawa di'ampihi atawa dikaluarakan matan gawiannya.[4]
- Kami kadada mambuliahakan sakali-kali parukara malanggar moral wan aturan dalam rupa napa haja. Status PPPK tu lain dadi alasan sagan manyapi'akan nilai-nilai adat wan bapananggungan lawan urang banyak.[4]
- Urang banua parcaya banar urusan rakungan wan kasihatan ka bubuhan tanaga medis. Amun ada nang batingkah kada karu-karuan, ngintu mangaruni muha kantor wan ma'ulah rugi dingsanak sa'imbai nang bagawi bujur-bujur bati.[4]
- ASN atawa PPPK musti baisi sipat wan tingkah laku nang pas lawan aturan hukum, aturan urang banyak, wan paraturan gawian. Jangan sampai ada kalakuan nang mamirik muha pamarintah. Jangan sampai ada parukara batingkung atawa bamain judi online. Ngintu ma'ulah rusak diri sa'urang, rusak katurunan, wan rusak ngaran pamarintah banua. Saba'ulurnya dadi uswah atawa cuntuh nang bagus, lain malah malanggar aturan.[4]
- Kami maminta urang banua kada usah gupuh wan tatap dingin bati lawan adanya lindu susulan, tapi tatap ai musti basiap-siap wan hancap mancari wadah nang aman amun marasa'akan guntakan nang rancing. Kami mamadahi banar supaya jangan parak atawa di dalam bangunan nang sudah rimpih gara-gara lindu tadi, karana nyawa tu pambaiknya di'utamakan.[5]
- Doa, rasa badingsanakan, wan bakumpulnya urang banyak dadi parukara panting sagan mahadapi ka'ada'an imbah lindu, sagan manulungi manghancapakan urusan karusakan nang ada.[5]
- Pamarintah ba'ikhtiar datang sahancapnya di tangah urang banua, sagan mambari tulungan baimbai mamasti'akan kasalamatan urang banyak, wan samunyaan tim panulung tatap sadi'a jaga.[5]
Jujuhutan
[babak | babak asal-mulanya]- ↑ "Daftar Lengkap 481 Pasangan Kepala Daerah Dilantik Prabowo Hari Ini - Halaman 3". nasional (dalam bahasa Indonesia). Diakses tanggal 2026-05-08.
- ↑ Putri, Inkana Izatifiqa R. "Profil Cak Fauzi, Bupati Sumenep Kandidat Potensial di Pilgub Jatim". detiknews (dalam bahasa Indonesia). Diakses tanggal 2026-05-08.
- ↑ "Sosok dan Profil Lengkap Achmad Fauzi, Bupati Sumenep Periode 2025-2030: Bismillah Melayani". Tribunmadura.com (dalam bahasa Indonesia). Diakses tanggal 2026-05-08.
- ↑ 4,0 4,1 4,2 4,3 "Bupati Sumenep Achmad Fauzi: Pemerintah Tak Tolerir Pelanggaran Moral dan Disiplin Aparatur". Info Publik. 05-10-2025. Diakses tanggal 08-05-2026.
- ↑ 5,0 5,1 5,2 "Bupati Fauzi Imbau Masyarakat Tenang dan Gelar Doa Bersama untuk Keselamatan". DPD PDI Perjuangan Jawa Timur (dalam bahasa Indonesia). Diakses tanggal 2026-05-08.