Abdullah Ubab Maimoen
KH. Abdullah Ubab Maimoen (ranak 10 Agustus 1954) atawa nang rancak dikiau Gus Ubab ni adalah saurang ulama matan Indonesia. Sidin adalah Pengasuh Pondok Pesantren Al-Anwar 2 Sarang, Rembang, Jawa Tengah, wan marupakan anak panambaian matan KH. Maimoen Zubair. Sidin jua tamasuk pangurus DPC PPP Kabupatin Rembang.[1][2]
Papadah
[babak | babak asal-mulanya]- Ilmu ngitu kada ba'habisan, amun ikam marasa sudah cukup, kaina ikam bakal marangkak lagi matan bawah.[3]
- Indonesia ni nagara nang paling aman. Pondok pasantren tasabar di mana-mana, jadi sudah pas banar amun kita nang di sini basyukur. Coba pian lihat Palestina, tahu haja lah nangkaya apa kondisi di sana? Biarpun parang tarus, urang di sana tatap haja mangaji. Nah, lalu apa lagi alasan kita sampai kada handak mangaji?.[3]
- Coba pian lihat nangkaya apa Mbah Dur kawa ba'gaul lawan siapa haja nang badapat lawan sidin. Tokoh nang patut dicuntohi nangkaya Mbah Dur wan anak-anak sidin, tamasuk Mbah Muslih bin Abdurrahman, ngini patut banar kita cuntohi.[4]
- Ulun minta doa, mudahan sabarataan nang ditinggalakan Mbah Maimoen kawa ditarusakan wan dikambangakan. Ganal banar jasa sidin. Berkat doa pian sabarataan, mudahan apa nang dicita-citakan Mbah Maimoen kawa mandapatakan patulung matan Allah SWT.[5]
- Nang ngalih banar ditirui matan Mbah Maimoen ngitu dzikir batin sidin. Bujur-bujur ngalih ditirui. Amun dalam tarekat, biar kada pakai tasbih, dzikir Mbah Maimoen ngitu sampai batujub di dada. Ngini nangkaya cara Rasulullah. Maskipun dzikirnya palan banar, tapi kita sabarataan kawa mandangar. Masya Allah.. ngini bujur-bujur luar biasa wan ngalih banar.[5]
- Ulun maucapkan tarima kasih gasan sabarataan pihak nang sudah hadir wan mambantu sabarataan proses nang bakait wan wafatnya abah ulun, Simbah Kyai Maimoen Zubair. Wayahini, anak sidin Kyai Maimoen ada nang di Sarang wan di tanah suci. Nang lima di Sarang, nang lima di Makkah. Mudahan apa nang digawi ngini ditarima Allah SWT. Mudahan nang digawi ngini kawa maulah Mbah Maimoen sanang, wan maulah pian sabarataan sanang. Amun ada nang takurang atawa gangguan, ulun maminta maaf. Nangkaya Kyai Mustofa Bisri nang jua datang pas hari katiga, malah sidin pakai sapida mutur.[5]
- Ulun nih malihat banyak banar kakanakan nang kada basikulah. Bubuhannya mamilih jadi nalayan karna memang kada baisi biaya. Ulih karana nintu, salain pondok pasantren, di sini kami jua maulah sakulah pormal. Kami sudah baisi Madrasah Tsanawiyah, SMP, wan Madrasah Aliyah. Salain pada nintu, sidin jua handak mambangun SMA.[6]
Jujuhutan
[babak | babak asal-mulanya]- ↑ Media, Al-Anwar (2008-10-24). "KH. Abdullah Ubab Maimoen (Putra Pertama)". Pondok Pesantren Al-Anwar (dalam bahasa Indonesia). Diakses tanggal 2026-05-04.
- ↑ "PROFIL AL ANWAR 02 | PP Al Anwar 2" (dalam bahasa Indonesia). 2018-02-24. Diakses tanggal 2026-05-04.
- ↑ 3,0 3,1 "Syaikhina KH. Abdullah Ubab Maimoen » Pondok Pesantren Al Anwar 2" (dalam bahasa Inggris). 2024-12-23. Diakses tanggal 2026-05-04.
- ↑ "Kiai Ubab Maimoen Ajak Umat Teladani Perjuangan Mbah Dur Mranggen Demak". NU Online (dalam bahasa Indonesia). Diakses tanggal 2026-05-04.
- ↑ 5,0 5,1 5,2 Febriyanto (2019-09-13). "Dzikir Batiniyah Mbah Maimoen Seperti Dzikirnya Rasulullah SAW • BangkitMedia". BangkitMedia (dalam bahasa Indonesia). Diakses tanggal 2026-05-04.
- ↑ Wibisono, Lanang (2023-03-16). "Ganjar Sowan Gus Ubab Maimoen, Ngobrol Soal Pendidikan". Halo Semarang (dalam bahasa Indonesia). Diakses tanggal 2026-05-04.