Abdul Wahid Hasyim
KH. Abdul Wahid Hasyim (1914–1953) adalah saurang Pahlawan Nasional wan tokoh Nahdlatul Ulama (NU). Sidin adalah anak dari pangadeg NU, KH Hasyim Asy’ari. [1]Sidin jua ikut dalam keanggotaan BPUPKI wan PPKI, serta jadi anggota paling muda nang manandatangani Piagam Jakarta. Sidin menikah lawan Nyai Hj Solichah, putri dari KH Bisri Syansuri, wan dikaruniai anam urang anak, yaitu Abdurrahman Wahid, Aisyah Hamid, Sholahuddin Wahid, Umar Wahid, Lily Wahid, wan Hasyim Wahid.[2]
Papadah
[babak | babak asal-mulanya]- Hukum Islam itu adil, sabanar-banarnya adil. Tentang hak parampuan, disamakan lawan hak lalaki. Dari hukum Islam, lalaki wan parampuan itu punya kadudukan nang setara.[3]
- Wayah ibu pian malahirakan pian, pian manangis, sadangkan urang-urang di sakitar manyambut lawan tawa bahagia. Bajuanglah, sampai wayah ajal pian datang, sidin nang manangis, sadangkan pian tersenyum bahagia.[4].
- Lamun waktu habis tanpa karya wan ilmu, lalu apa arti umur ulun ini?.[5]
- Satiap urang adalah hasil dari jerih payahnya sorang. Makin keras barusaha, makin pantas sidin jadi jaya. Cita-cita nang tinggi bisa mangangkat sidin ka darajat nang tinggi. Makin kuat kamauan, makin terang jua darajat itu. Kada ada langkah mundur gasan urang nang handak maju. Wan kada ada kamajuan gasan urang nang handak mundur.[4]
- Mudah-mudahan Allah malimpahakan kabaikan ka saban urang nang balum saling sayang wan saling kenal. Kada pernah ulun mangaluh wan ditimpa kasulitan, kacuali dari urang nang sudah ulun kenal.
- Jangan mahanggap ringan siasat sesuatu nang tampaknya lemah. Kadang ular ganas mati karna racun kalajengking. Ternyata burung Hudhud kawa maruntuhkan singgasana Ratu Bulqis, wan liang tikus pun kawa marubuhakan bangunan nang kokoh.[4]
- Urang-urang bahari sudah mananam, jadi kita bisa manikmati buahnya. Wayah ini kita jua harus mananam, supaya generasi nang akan datang bisa manikmati hasilnya.[5]
- Biarkan ulun manggapaikan kamuliaan nang balum tacapai. Darajat kamuliaan itu sasuai lawan ringan baratnya usaha. Pian kadang handak manggapaikan kamuliaan lawan cara nang mudah, padahal urang nang handak mangambil madu pasti marasakan sangan labah.[5]
Jujuhutan
[babak | babak asal-mulanya]- ↑ veron (2019-05-27). "KH Abdul Wahid Hasyim: Tokoh Penting dalam Sejarah Pancasila dan Perjuangan Kemerdekaan". Pustaka Unwahas (dalam bahasa Indonesia). Diakses tanggal 2026-05-01.
- ↑ Khoeron, Moh (09-11-2023). "Mengenal KH Abdul Wahid Hasyim, Menteri Agama Penerima Gelar Pahlawan Nasional". kemenag.go.id. Diakses tanggal 01-05-2026.
- ↑ "Fatwa dan Quote Pendiri NU tentang Kesetaraan Laki-laki dengan Perempuan (Muslimat)". NU Online (dalam bahasa Indonesia). Diakses tanggal 2026-05-01.
- ↑ 4,0 4,1 4,2 "Syair-syair Hikmah KH Wahid Hasyim (2)". NU Online (dalam bahasa Indonesia). Diakses tanggal 2026-05-01.
- ↑ 5,0 5,1 5,2 "Syair-syair Hikmah KH Wahid Hasyim (1)". NU Online (dalam bahasa Indonesia). Diakses tanggal 2026-05-01.